અપૂર્વ ચંદ્રાની વર્લ્ડ હેલ્થ એસેમ્બલીના 77મા સત્રની કમિટી Aના અધ્યક્ષ તરીકે નિમણૂક

ભારત જીનીવામાં આયોજિત 77મી વિશ્વ આરોગ્ય મહાસભાની સમિતિ A ની અધ્યક્ષતા કરી રહ્યું છે. આ માટે કેન્દ્રીય સ્વાસ્થ્ય સચિવ અપૂર્વ ચંદ્રાને વર્લ્ડ હેલ્થ એસેમ્બલીની કમિટી Aના અધ્યક્ષ નિયુક્ત કરવામાં આવ્યા છે.

આ સમિતિ સાર્વત્રિક આરોગ્ય કવરેજ, જાહેર આરોગ્ય કટોકટીની સજ્જતા અને પ્રતિભાવ, એન્ટિમાઇક્રોબાયલ પ્રતિકાર, આબોહવા પરિવર્તન, WHO માટે ટકાઉ ધિરાણ વગેરેને આવરી લેતા વિવિધ પ્રોગ્રામેટિક વિષયો પર ચર્ચાની સુવિધા આપશે.

નોંધનીય છે કે, વર્લ્ડ હેલ્થ એસેમ્બલીમાં ત્રણ મુખ્ય સમિતિઓના સત્રોનો સમાવેશ થાય છે, જે પ્લેનરી, કમિટી A અને કમિટી B છે. કમિટી Aની અધ્યક્ષતા ભારત કરશે. આ બેઠક 1 જૂન સુધી ચાલશે.

અગાઉ, સોમવારથી શરૂ થયેલી આ હેલ્થ એસેમ્બલીમાં તેમના સંબોધનમાં, અપૂર્વ ચંદ્રાએ દેશમાં કોવિડ -19 રોગચાળા દરમિયાન મેનેજમેન્ટનો ઉલ્લેખ કરતા કહ્યું હતું કે "એક વિશ્વ, એક પરિવાર" ની ભાવના હેઠળ દવાઓ અને આરોગ્ય સંબંધિત સપ્લાય માટે ઉલ્લેખિત ઉત્પાદનો સમગ્ર વિશ્વમાં વિતરિત કરવામાં આવશે.

તેમણે કહ્યું હતું કે, આ ફિલસૂફી બધા માટે સુખાકારીને પ્રોત્સાહન આપવા, સાર્વત્રિક આરોગ્યસંભાળ કવરેજને સરળ બનાવવા અને આરોગ્ય સંબંધિત ટકાઉ વિકાસ લક્ષ્યોને હાંસલ કરવાના અમારા પ્રયત્નોને માર્ગદર્શન આપે છે.