જમ્મુથી અમરનાથની યાત્રા માટે 1100થી વધુ શ્રદ્ધાળુઓનો 32મો સમૂહ રવાના થયો

જમ્મુ અને કાશ્મીરના પહેલગામ અને બાલટાલના બેઝ કેમ્પ માટે આજે વહેલી સવારે જમ્મુના ભગવતી નગર યાત્રી નિવાસથી 1100થી વધુ શ્રદ્ધાળુઓનો 32મો ટુકડો શ્રી અમરનાથજી યાત્રા માટે રવાના થયો હતો. 1 જુલાઈથી અત્યાર સુધીમાં કુલ 4 લાખ 6 હજાર 708 શ્રદ્ધાળુઓએ અમરનાથ મંદિરની મુલાકાત લીધી છે.

દક્ષિણ કાશ્મીર હિમાલયમાં સ્થિત મંદિરની 62-દિવસીય વાર્ષિક તીર્થયાત્રા 1 જુલાઈના રોજ ગાંદરબલ જિલ્લાના બાલટાલ અને અનંતનાગ જિલ્લામાં પહલગામ થઈને બે રૂટ સાથે શરૂ થઈ હતી. આ તીર્થયાત્રા 31 ઓગસ્ટે શ્રાવણ પૂર્ણિમા રક્ષાબંધન તહેવારના દિવસે સમાપ્ત થશે. આ યાત્રા અવિરત ચાલુ રહે છે. કુદરતી રીતે રચાયેલા હિમ-શિવલિંગના દર્શન કરવા અને પ્રાર્થના કરવા માટે દેશભરમાંથી ભક્તો બેઝ કેમ્પ પર એકઠા થઈ રહ્યા છે.