શનિવારે ભાજપની કેન્દ્રિય ચૂંટણી સમિતિની બેઠક યોજાઈ

પ્રધાનમંત્રી નરેન્દ્ર મોદી સહિત , ભાજપના રાષ્ટ્રીય અધ્યક્ષ જે. પી. નડ્ડા ઉપસ્થિત રહ્યા હતા

નવી દિલ્હીમાં શનિવારે ભાજપની કેન્દ્રિય ચૂંટણી સમિતિની બેઠક યોજાઈ હતી. આ બેઠકમાં પ્રધાનમંત્રી નરેન્દ્ર મોદી સહિત , ભાજપના રાષ્ટ્રીય અધ્યક્ષ જે. પી. નડ્ડા ઉપસ્થિત રહ્યા હતા. આ બેઠક 5 રાજ્યોની વિધાનસભાની ચૂંટણીને ધ્યાનમાં રાખી યોજવામાં આવી હતી. જોકે, ભાજપે પશ્ચિમ બંગાળના 2 તબક્કાના મતદાનને ધ્યાનમાં રાખી, પહેલાથી જ 60 ઉમેદવારોની યાદી જાહેર કરી દીધી છે.

પરંતુ હજી પણ આસામ, તમિલનાડુ, કેરળ , અને પુડડુચેરી સહિત પશ્ચિમ બંગાળની બાકીની બેઠક પરના ઉમેદવારોની યાદી પર આ બેઠકમાં મહોર મારવામાં આવી હતી. આ બેઠકમાં ચૂંટણી સમિતિએ પ્રધાનમંત્રીની હાજરીમાં સંબંધિત રાજ્યોના પદાધિકારીઓ સાથે વાતચીત કરી હતી. જ્યારે બાકીના ઉમેદવારોની આગામી યાદી આજે જાહેર થાય તેવી શક્યતા છે.