PMએ વિડિયો કોન્ફરન્સ દ્વારા વિશ્વના સૌથી મોટા રિવર ક્રુઝ - MV ગંગા વિલાસને લીલી ઝંડી બતાવી

પ્રધાનમંત્રી નરેન્દ્ર મોદીએ વિડિયો કોન્ફરન્સ દ્વારા વિશ્વના સૌથી મોટા રિવર ક્રૂઝ - એમવી ગંગા વિલાસને લીલી ઝંડી બતાવી હતી. તેમજ વારાણસીમાં ટેન્ટ સિટીનું પણ ઉદ્ઘાટન કર્યું. તેમણે રૂ. 1,000 કરોડથી વધુની કિંમતના અન્ય કેટલાક આંતરદેશીય જળમાર્ગોના પ્રોજેક્ટનું ઉદ્ઘાટન અને શિલાન્યાસ પણ કર્યો હતો.

પ્રધાનમંત્રીએ પશ્ચિમ બંગાળમાં હલ્દિયા મલ્ટી મોડલ ટર્મિનલ અને ગાઝીપુર જિલ્લાના સૈદપુર, ચોચકપુર, ઝમાનિયા અને ઉત્તર પ્રદેશના બલિયા જિલ્લામાં કાંસપુર ખાતે 4 ફ્લોટિંગ સમુદાય ફેરીનું પણ ઉદ્ઘાટન કર્યું હતું. તેમણે બિહારના સમસ્તીપુર જિલ્લામાં દિઘા, નકટા ડાયરા, બારહ, પટના જિલ્લામાં પાનાપુર અને હસનપુર ખાતે પાંચ સમુદાય ઘાટનો શિલાન્યાસ પણ કર્યો હતો.

પ્રધાનમંત્રીએ ગુવાહાટીમાં નોર્થ ઈસ્ટ મેરીટાઇમ સ્કિલ ડેવલપમેન્ટ સેન્ટરનું ઉદ્ઘાટન કર્યું. આ ઉપરાંત, તેમણે ગુવાહાટીમાં જહાજ સમારકામ કેન્દ્ર અને પાંડુ ટર્મિનલ તરફ જતા એલિવેટેડ રોડનો શિલાન્યાસ પણ કર્યો હતો.

આ પ્રસંગે એક જાહેર સભાને સંબોધતા પ્રધાનમંત્રીએ કહ્યું કે, ગંગા નદી પર ક્રુઝ સેવાની શરૂઆત એક ઐતિહાસિક ક્ષણ છે. આ ભારતમાં એક નવા યુગની શરૂઆત કરશે.
  
MV ગંગા વિલાસની યાત્રા આજે વારાણસીથી શરૂ થશે અને તે 51 દિવસમાં લગભગ બત્રીસ હજાર કિલોમીટરની મુસાફરી કરીને ભારત અને બાંગ્લાદેશની 27 નદીઓ પાર કરીને બાંગ્લાદેશ થઈને આસામના ડિબ્રુગઢ પહોંચશે.