અમદાવાદના સાયન્સ સીટી ખાતે રાષ્ટ્રીય બાળ વિજ્ઞાન કોંગ્રેસનો રાજ્યકક્ષાનો કાર્યક્રમ યોજાશે

અમદાવાદના સાયન્સ સીટી ખાતે આજથી બીજી ડિસેમ્બર દરમિયાન રાષ્ટ્રીય બાળ વિજ્ઞાન કોંગ્રેસનો રાજ્યકક્ષાનો કાર્યક્રમ યોજાશે. ગુજરાત કાઉન્સિલ ઓફ સાયન્સ એન્ડ ટેક્નોલોજી (ગુજકોસ્ટ) અને રાજ્ય સરકારના સાયન્સ અને ટેકનોલોજીના સંયુક્ત ઉપક્રમે આ કાર્યક્રમનું આયોજન કરાયું છે. 

સાયન્સ અને ટેક્નોલોજી વિબાગના અગ્રસચિવ મોના ખંધાર આ કાર્યક્રમને ખુલ્લો મુકશે. આ કાર્યક્રમના ભાગરૂપે નેશનલ ફોરેન્સિક સાયન્સ યુનિવર્સિટી દ્વારા અને સ્ટેટ મોડેલ ઇન્સ્ટીટયુટ ઓફ આયુર્વેદ શિક્ષકો માટે તાલીમ કાર્યશાળા પણ યોજાશે. આ ત્રણ દિવસીય કાર્યક્રમમાં વૈજ્ઞાનિકો, શિક્ષકો, વિદ્યાર્થીઓ સહિતના 600 થી વધુ મહાનુભાવો ભાગ લેશે. 

રાષ્ટ્રીય બાળ વિજ્ઞાન કોંગ્રેસ માટે રાજ્યભરમાંથી 1 લાખ 23 હજારથી વધુ સંશોધનો નોંધાયા હતા. જેમાંથી 6 હજાર 600 પ્રોજેક્ટની જિલ્લા કક્ષાએ પસંદગી કરવામાં આવી હતી. તેમાંથી 26 વિદ્યાર્થીઓની પસંદગી કરવા રાજ્યકક્ષાએ આ સ્પર્ધા યોજાઇ રહી છે. પસંદગી પામેલા 26 વિદ્યાર્થીઓ રાષ્ટ્રીય કક્ષાએ ગુજરાતનું પ્રતિનિધિત્વ કરશે.