ચેન્નાઈ સુપર કિંગ્સે ગુજરાત ટાઇટન્સને 63 રને હરાવ્યું
Live TV
-
ઈન્ડિયન પ્રીમિયર લીગ (IPL) 2024ની સાતમી મેચમાં ચેન્નાઈ સુપર કિંગ્સ (CSK) એ ગુજરાત ટાઇટન્સને 63 રને હરાવ્યું. સતત બીજી જીત સાથે CSK પોઈન્ટ ટેબલમાં ટોપ પર પહોંચી ગઈ છે.
પ્રથમ બેટિંગ કરતા ચેન્નાઈએ 20 ઓવરમાં છ વિકેટ ગુમાવીને 206 રન બનાવ્યા હતા. જવાબમાં ગુજરાતની ટીમ 20 ઓવરમાં 8 વિકેટ ગુમાવીને 143 રન જ બનાવી શકી હતી. આ જીત સાથે રુતુરાજ ગાયકવાડની આગેવાની હેઠળની ચેન્નાઈની ટીમ પોઈન્ટ ટેબલમાં ચાર પોઈન્ટ સાથે ટોપ પર પહોંચી ગઈ છે.
63 રનની હાર ગુજરાતની IPLમાં રનના માર્જિનથી અત્યાર સુધીની સૌથી મોટી હાર છે. . આ પહેલા 10 મહિના પહેલા વાનખેડે ખાતે મુંબઈ ઈન્ડિયન્સ સામે 27 રને પરાજય થયો હતો. ચેન્નાઈએ મુંબઈનો રેકોર્ડ તોડ્યો છે. CSKની આગામી મેચ 31 માર્ચે વિશાખાપટ્ટનમમાં દિલ્હી કેપિટલ્સ સામે છે. તે જ સમયે, ગુજરાતની આગામી મેચ 31 માર્ચે અમદાવાદમાં સનરાઇઝર્સ હૈદરાબાદ સામે છે.