ભારતને મળી 2023ની મેન્સ હોકી વર્લ્ડ કપની મેજબાની

2023 માં યોજાનારા મેન્સ હોકી વર્લ્ડ કપનું હોસ્ટિંગ ભારતને સોંપવામાં આવ્યું છે. ભારત સહિત ત્રણ દેશોએ મેન્સ વર્લ્ડ કપનું હોસ્ટિંગ મેળવવા બિડ રજૂ કરી હતી. 1971 પછી આ ચોથી વખત હશે જ્યારે ભારત હોકી વર્લ્ડ કપનું આયોજન કરશે.

ભારતને 2023 મેન્સ હોકી વર્લ્ડ કપનું હોસ્ટિંગ સોંપ્યું છે. શુક્રવારે સ્વિટ્ઝર્લેન્ડના લોસાને શહેરમાં મળેલી એફઆઈએચ એક્ઝિક્યુટિવ બોર્ડની બેઠક બાદ આ ઘોષણા કરવામાં આવી છે. ભારત સહિત ત્રણ દેશોએ 2022-23 હોસ્ટિંગ માટે પોતાનો દાવો રજૂ કર્યો હતો. મેન્સ હોકી વર્લ્ડ કપ 2023 માં 13 થી 29 જાન્યુઆરી દરમિયાન રમાશે.1971 પછી આ ચોથી વખત હશે જ્યારે ભારત હોકી વર્લ્ડ કપનું આયોજન કરશે. બેઠકમાં એ પણ નિર્ણય લેવામાં આવ્યો હતો કે સ્પેન અને નેધરલેન્ડ્સ 2022 માં યોજાનારા એફઆઇએચ મહિલા હોકી વર્લ્ડ કપના સહ-યજમાન કરશે. મહિલા વર્લ્ડ કપ 1 થી 17 જુલાઈ 2022 સુધી યોજાશે.