પીપીએફ અને સુકન્યા સમૃદ્ધિ ખાતામાં લઘુત્તમ રકમ જમા કરવાની સમયમર્યાદા 30 જૂન સુધી લંબાવવામાં આવી 

નાણાં મંત્રાલયે જણાવ્યું હતું કે આ મુક્તિ પીપીએફ, સુકન્યા સમૃદ્ધિ ખાતાઓ અને રિકરિંગ ડિપોઝિટને લાગુ પડશે.

લોકડાઉનને ધ્યાનમાં રાખીને નાણાં મંત્રાલયે પીપીએફ અને સુકન્યા સમૃદ્ધિ ખાતામાં વર્ષ 2019-20 માટે ફરજિયાત લઘુત્તમ રકમ જમા કરવાની સમયમર્યાદા ત્રણ મહિના એટ્લે કે 30 જૂન સુધી લંબાવી દીધી છે. નાણાં મંત્રાલયે જણાવ્યું હતું કે આ મુક્તિ પીપીએફ, સુકન્યા સમૃદ્ધિ ખાતાઓ અને રિકરિંગ ડિપોઝિટને લાગુ પડશે. લોકડાઉનને ધ્યાનમાં રાખીને નાના બચત થાપણદારોના હિતો માટે સરકારે આ નિર્ણય લીધો છે.સરકારે પબ્લિક પ્રોવિડન્ટ ફંડ, રિકરિંગ ડિપોઝિટ, સ્મોલ સેવિંગ સ્કીમ અને સુકન્યા સમુદ્ઘિ યોજનાના ખાતાધારકો માટે ન્યૂનતમ રાશિ જમા કરાવવા માટેની સીમા 3 મહિના સુધી વધારી દીધી છે. આ માટેની છેલ્લી તારાખી 31 માર્ચ હતી. 

ઉલ્લેખનીય છે કે, PPFમાં એક નાણાકીય વર્ષ દરમિયાન લઘુત્તમ રકમ જમા કરાવવી ફરજિયાત છે. જો તમે આ રકમ જમા ન કરાવો તો અકાઉન્ટ ઇનએક્ટિવેટ થઈ જાય છે. ત્યારબાદ જો તમારે તમારું અકાઉન્ટ એક્ટિવેટ કરાવવું હોય તો લઘુત્તમ રકમ સાથે દંડ ચૂકવવાનો રહે છે.