ભારતીય શેરબજાર ઉછાળા સાથે ખુલ્યું, રિયલ્ટી શેરમાં ઉછાળો જોવા મળ્યો

ભારતીય શેરબજાર ઉછાળા સાથે ખુલ્યું, રિયલ્ટી શેરમાં ઉછાળો જોવા મળ્યો

આજે ગુરુવારે શેરબજાર ઉછાળા સાથે ખુલ્યું હતું. શરૂઆતના કારોબારમાં બોમ્બે સ્ટોક એક્સચેન્જ ઇન્ડેક્સ સેન્સેક્સ 0.26% અથવા 219 પોઇન્ટના વધારા સાથે 81,669 પર ટ્રેડ થતો જોવા મળ્યો હતો. સેન્સેક્સના 30 શેરોમાંથી 25 શેર લીલા નિશાન પર અને 5 શેર લાલ નિશાન પર હતાં. 

ફ્ટીના 50 શેરોમાંથી 42 શેર લીલા નિશાન ઉપર

તેજ સમયે નેશનલ સ્ટોક એક્સચેન્જ ઇન્ડેક્સ નિફ્ટી 0.33% અથવા 82 પોઇન્ટના વધારા સાથે 25,064 પર ટ્રેડ થતો જોવા મળ્યો હતો. શરૂઆતના ટ્રેડિંગમાં નિફ્ટીના 50 શેરોમાંથી 42 શેર લીલા નિશાન પર અને 8 શેર લાલ નિશાન પર હતાં. નિફ્ટી શેર્સમાં ગુરુવારે સવારે સૌથી વધુ વધારો લાર્સન એન્ડ ટુબ્રો 1.32%, NTPC 1.08 %, હિન્દાલ્કો 1.07%, BEL 1.04% અને એક્સિસ બેન્ક 0.97% વધ્યો હતો. તેજ સમયે સૌથી વધુ ઘટાડો ટાટા મોટર્સમાં 1.45%, અદાણી એન્ટરપ્રાઇઝમાં 1.12%, અપોલો હોસ્પિટલ 0.34%, ઇન્ફોસિસ 0.30% અને એચયુએલમાં 0.16% જોવા મળ્યો હતો.

નિફ્ટી રિયલ્ટીમાં સૌથી વધુ 1.10% નો વધારો

સ્થાનિક ઇન્ડેક્સની વાત કરીએ તો ગુરુવારે નિફ્ટી રિયલ્ટીમાં સૌથી વધુ 1.10% નો વધારો જોવા મળ્યો હતો. આ ઉપરાંત નિફ્ટી બેન્કમાં 0.15%, નિફ્ટી ઓટોમાં 0.41%, નિફ્ટી ફાઇનાન્શિયલ સર્વિસિસમાં 0.23%, નિફ્ટી એફએમસીજીમાં 0.22%, નિફ્ટી આઇટીમાં 0.11 %, નિફ્ટી મીડિયામાં 0.50%, નિફ્ટી મેટલમાં 0.50 %, નિફ્ટી પીએસયુ બેન્કમાં 0.06%, નિફ્ટી પ્રાઇવેટ બેન્કમાં 0.27%, નિફ્ટી કન્ઝ્યુમર ડ્યુરેબલ્સ 0.92%, નિફ્ટી ઓઇલ એન્ડ ગેસમાં 0.64 % અને નિફ્ટી મિડસ્મોલ હેલ્થકેરમાં 0.07 %નો વધારો જોવા મળ્યો હતો. આ સિવાય નિફ્ટી હેલ્થકેર ઇન્ડેક્સમાં 0.21% અને નિફ્ટી ફાર્મામાં 0.11 %નો ઘટાડો જોવા મળ્યો હતો.