શેરબજારમાં મંદી પર બ્રેક: સેન્સેક્સ અને નિફ્ટી ગ્રીન ઝોનમાં ખુલ્યા

શેરબજારમાં મંદી પર બ્રેક: સેન્સેક્સ અને નિફ્ટી ગ્રીન ઝોનમાં ખુલ્યા, ટ્રેન્ટ અને ઇન્ડિગોના શેરોમાં ભારે તેજી

છેલ્લા કેટલાક દિવસોથી શેરબજારમાં ચાલી રહેલી સતત ગિરાવટ પર મંગળવારે આખરે બ્રેક વાગી છે. વૈશ્વિક બજારના પોઝિટિવ સંકેતો વચ્ચે ભારતીય શેરબજારના બંને મુખ્ય સૂચકાંકો—સેન્સેક્સ અને નિફ્ટી આજે ગ્રીન ઝોનમાં એટલે કે મજબૂતી સાથે ખુલ્યા હતા, જેનાથી રોકાણકારોએ રાહતનો શ્વાસ લીધો છે.

બજારની ધમાકેદાર શરૂઆત

સવારે ટ્રેડિંગ સેશનની શરૂઆતમાં બજારમાં સારો ઉછાળો જોવા મળ્યો હતો. બીએસઈ સેન્સેક્સ 351 પોઇન્ટના વધારા સાથે 73,875 ની ઉંચી સપાટીએ ખુલ્યો હતો. એનએસઈ નિફ્ટી મજબૂત શરૂઆત કરતા 23,224 ની સપાટી પર ઓપન થયો હતો.

આ શેરોમાં જોવા મળી સૌથી વધુ તેજી

આજના કારોબારમાં ટાટા ગ્રુપની દિગ્ગજ કંપની ટ્રેન્ટ અને એવિએશન સેક્ટરની અગ્રણી કંપની ઇન્ડિગોના શેરોમાં સૌથી વધુ ખરીદી જોવા મળી હતી અને તે ટોપ ગેનર્સ રહ્યા હતા. આ ઉપરાંત બેન્કિંગ સેક્ટરમાંથી ICICI બેન્ક અને એક્સિસ બેન્કના શેરો પણ મજબૂત પકડ સાથે ગ્રીન ઝોનમાં ટ્રેડ થઈ રહ્યા હતા.