શેરબજાર ભારે ઘટાડા સાથે બંધ, સેન્સેક્સ 1,190 પોઈન્ટ તૂટ્યો

સેન્સેક્સ 1,190.34 પોઈન્ટ અથવા 1.48 ટકાના ઘટાડા સાથે 79,043.74 પર બંધ રહ્યો હતો. નિફ્ટી 360.75 પોઈન્ટ અથવા 1.49 ટકાના ઘટાડા સાથે 23,914.15 પર બંધ રહ્યો હતો. આ ઘટાડાની આગેવાની આઈટી શેરોમાં રહી હતી. નિફ્ટી આઈટી ઈન્ડેક્સમાં ભારે વેચવાલી જોવા મળી હતી અને તે બે ટકાથી વધુ ઘટીને 42,968.75 પર બંધ થયો હતો.

ગુરુવારે ભારતીય શેરબજાર લાલ નિશાનમાં બંધ થયું હતું. સ્થાનિક બજારમાં આ ઘટાડો વૈશ્વિક બજારોના ઘટાડા સાથે સુસંગત હતો. અમેરિકાના નવા ચૂંટાયેલા પ્રમુખ ડોનાલ્ડ ટ્રમ્પની નીતિઓ અંગે વધતી ચિંતા અને યુએસમાં વ્યાજદરમાં ઘટાડા અંગેની અનિશ્ચિતતાના કારણે બજારમાં ઘટાડો જોવા મળ્યો હતો.

સેન્સેક્સ 1,190.34 પોઈન્ટ અથવા 1.48 ટકાના ઘટાડા સાથે 79,043.74 પર બંધ રહ્યો હતો. નિફ્ટી 360.75 પોઈન્ટ અથવા 1.49 ટકાના ઘટાડા સાથે 23,914.15 પર બંધ રહ્યો હતો. આ ઘટાડાની આગેવાની આઈટી શેરોમાં રહી હતી. નિફ્ટી આઈટી ઈન્ડેક્સમાં ભારે વેચવાલી જોવા મળી હતી અને તે બે ટકાથી વધુ ઘટીને 42,968.75 પર બંધ થયો હતો.મિડકેપ અને સ્મોલકેપ શેરોએ લાર્જકેપ કરતાં વધુ સારો દેખાવ કર્યો છે. નિફ્ટી મિડકેપ 100 ઈન્ડેક્સ 28.40 પોઈન્ટ એટલે કે 0.05 ટકા વધીને 56,300.75 પર પહોંચ્યો હતો. નિફ્ટી સ્મોલકેપ 100 ઈન્ડેક્સ 8.70 પોઈન્ટ્સ અથવા 0.05 ટકા વધીને 18,511.55 પર પહોંચ્યો હતો.

બોમ્બે સ્ટોક એક્સચેન્જ (BSE) પર, 2,208 શેર લીલા રંગમાં અને 1,731 શેર લાલ નિશાનમાં બંધ થયા હતા. જ્યારે 106 શેરમાં કોઈ ફેરફાર થયો નથી.બજાર નિરીક્ષકોએ જણાવ્યું હતું કે યુએસ માર્કેટમાં રાતોરાત વેચવાલીથી વ્યાજદરમાં ઘટાડો અને ભૌગોલિક રાજકીય તણાવની નવી અનિશ્ચિતતા વચ્ચે હેવીવેઇટ આઇટી શેરોમાં ઘટાડો થયો,તેનાથી વિપરિત, વિદેશી સંસ્થાકીય રોકાણકારો (FIIs) અને ઓછા મૂલ્યાંકનવાળા શેરોમાં તકો શોધી રહેલા રોકાણકારોના વલણમાં ફેરફારને કારણે બજારે ફ્રન્ટલાઈન સૂચકાંકોને પાછળ રાખી દીધા હતા, એમ તેમણે ઉમેર્યું હતું.

નિફ્ટી સેક્ટરલ ઈન્ડેક્સમાં આઈટી, ઓટો, ફાઈનાન્સિયલ સર્વિસ, ફાર્મા, એફએમસીજી, મેટલ, એનર્જી, પ્રાઈવેટ બેંક, ઈન્ફ્રા અને કોમોડિટીઝમાં વેચવાલી જોવા મળી હતી. તે જ સમયે, PSU બેંકો, મીડિયા અને રિયલ્ટી સેક્ટરમાં ખરીદી હતી.સેન્સેક્સ પેકમાં SBI સિવાયના તમામ શેર લાલ નિશાનમાં બંધ થયા છે. મહિન્દ્રા અન્ડ મહિન્દ્રા અને ઇન્ફોસીસ ટોપ લુઝર હતા.અગાઉ બુધવારે સંસ્થાકીય પ્રવૃત્તિઓ મિશ્ર રહી હતી. વિદેશી સંસ્થાકીય રોકાણકારો (FII) એ રૂ. 7.78 કરોડના શેરની ચોખ્ખી ખરીદી કરી હતી, જ્યારે સ્થાનિક સંસ્થાકીય રોકાણકારો (DII) એ રૂ. 1,301.97 કરોડની ચોખ્ખી ખરીદી કરી હતી.