2,929 કરોડના બેંક ફ્રોડ કેસમાં 16 લોકો સામે CBIએ પ્રથમ ચાર્જશીટ દાખલ કરી

દેશના જાણીતા રિલાયન્સ ADA ગ્રુપ સામેની કથિત છેતરપિંડીના મામલે કેન્દ્રીય તપાસ એજન્સી (CBI) એ કડક વલણ અપનાવ્યું છે. સ્ટેટ બેંક ઓફ ઇન્ડિયા (SBI) સાથે રૂ. 2,929.05 કરોડની છેતરપિંડીના કેસમાં CBI એ 16 લોકો સામે પ્રથમ ચાર્જશીટ દાખલ કરી છે. આ કાર્યવાહી બાદ કોર્પોરેટ જગતમાં ખળભળાટ મચી ગયો છે.

દેશના જાણીતા રિલાયન્સ ADA ગ્રુપ સામેની કથિત છેતરપિંડીના મામલે કેન્દ્રીય તપાસ એજન્સી (CBI) એ કડક વલણ અપનાવ્યું છે. સ્ટેટ બેંક ઓફ ઇન્ડિયા (SBI) સાથે રૂ. 2,929.05 કરોડની છેતરપિંડીના કેસમાં CBI એ 16 લોકો સામે પ્રથમ ચાર્જશીટ દાખલ કરી છે. આ કાર્યવાહી બાદ કોર્પોરેટ જગતમાં ખળભળાટ મચી ગયો છે.

શું છે સમગ્ર મામલો?
સ્ટેટ બેંક ઓફ ઇન્ડિયાની ફરિયાદના આધારે CBI એ રિલાયન્સ કોમ્યુનિકેશન્સ લિમિટેડ અને અનિલ અંબાણી વિરુદ્ધ કેસ નોંધ્યો હતો. તપાસ એજન્સીના જણાવ્યા અનુસાર, આરોપીઓએ બેંક સાથે મળીને ભંડોળનો દૂરુપયોગ અને ગેરરીતિ આચરી હતી, જેના કારણે બેંકને રૂ. 2,929.05 કરોડનું જંગી નુકસાન થયું હતું.

કોની કોની સામે થઈ કાર્યવાહી?
મુંબઈની સ્પેશિયલ CBI કોર્ટમાં દાખલ કરવામાં આવેલી આ ચાર્જશીટમાં નીચે મુજબના લોકોના નામ સામેલ છે:

રિલાયન્સ કોમ્યુનિકેશન્સ લિમિટેડના મુખ્ય અધિકારીઓ.

SBI, બેંક ઓફ મહારાષ્ટ્ર અને તત્કાલીન સિન્ડિકેટ બેંકના 10 વરિષ્ઠ બેંક અધિકારીઓ.

કયા ભંડોળનો થયો દૂરુપયોગ?
CBI તપાસમાં બહાર આવ્યું છે કે નીચે મુજબની લોન અને સુવિધાઓમાં ગેરરીતિ આચરવામાં આવી હતી:

SBI દ્વારા મંજૂર કરાયેલ રૂ. 1,200 કરોડની ટર્મ લોન.

બેંક ઓફ મહારાષ્ટ્ર દ્વારા મંજૂર રૂ. 500 કરોડની લેટર ઓફ ક્રેડિટ (LC).

સિન્ડિકેટ બેંક દ્વારા મંજૂર રૂ. 350 કરોડની લેટર ઓફ ક્રેડિટ (LC).

આગામી સમયમાં સપ્લીમેન્ટરી ચાર્જશીટની તૈયારી
CBI એ સ્પષ્ટ કર્યું છે કે હાલમાં તપાસ ચાલુ છે અને આ મામલો અત્યંત ગંભીર છે. તપાસ એજન્સી અન્ય કન્સોર્ટિયમ બેંકો દ્વારા આપવામાં આવેલી લોન અને જાહેર ભંડોળના ડાયવર્ઝનમાં સામેલ અન્ય કાવતરાખોરોની ભૂમિકાની પણ તપાસ કરી રહી છે. આ કેસમાં ટૂંક સમયમાં પૂરક (સપ્લીમેન્ટરી) ચાર્જશીટ દાખલ કરવામાં આવશે. ઉલ્લેખનીય છે કે, રિલાયન્સ ગ્રુપની વિવિધ કંપનીઓ સામે CBI દ્વારા કુલ 6 FIR નોંધવામાં આવી છે, જેની તપાસ સુપ્રીમ કોર્ટની દેખરેખ હેઠળ ચાલી રહી છે. રિલાયન્સ કોમ્યુનિકેશન્સ લિમિટેડને કુલ 17 સરકારી બેંકોના કન્સોર્ટિયમ દ્વારા રૂ. 19,694.33 કરોડની લોન આપવામાં આવી હતી, જેમાં હવે તપાસનો વ્યાપ વધી રહ્યો છે.