UPIથી જૂન મહિનામાં 22.72 અબજ ટ્રાન્ઝેક્શન સાથે નવો કીર્તિમાન સ્થપાયો

ભારતના ડિજિટલ પેમેન્ટ પ્લેટફોર્મ UPI એ ફરી એકવાર પોતાની સફળતાનો ડંકો વગાડ્યો છે. નેશનલ પેમેન્ટ્સ કોર્પોરેશન ઓફ ઇન્ડિયા (NPCI) દ્વારા જાહેર કરવામાં આવેલા તાજેતરના આંકડા મુજબ, જૂન મહિનામાં UPI ટ્રાન્ઝેક્શન વોલ્યુમ વાર્ષિક ધોરણે 23% વધીને 22.72 અબજ પર પહોંચ્યું છે. જ્યારે ટ્રાન્ઝેક્શનનું કુલ મૂલ્ય 20% વધીને રૂ. 28.90 લાખ કરોડ નોંધાયું છે.

ભારતના ડિજિટલ પેમેન્ટ પ્લેટફોર્મ UPI એ ફરી એકવાર પોતાની સફળતાનો ડંકો વગાડ્યો છે. નેશનલ પેમેન્ટ્સ કોર્પોરેશન ઓફ ઇન્ડિયા (NPCI) દ્વારા જાહેર કરવામાં આવેલા તાજેતરના આંકડા મુજબ, જૂન મહિનામાં UPI ટ્રાન્ઝેક્શન વોલ્યુમ વાર્ષિક ધોરણે 23% વધીને 22.72 અબજ પર પહોંચ્યું છે. જ્યારે ટ્રાન્ઝેક્શનનું કુલ મૂલ્ય 20% વધીને રૂ. 28.90 લાખ કરોડ નોંધાયું છે.

UPI ની દૈનિક સરેરાશ કામગીરી

જૂન મહિના દરમિયાન UPI દ્વારા થતા વ્યવહારોની વિગત નીચે મુજબ છે:

• દૈનિક સરેરાશ વ્યવહારો: લગભગ 75.7 કરોડ (757 million).

• દૈનિક સરેરાશ ટ્રાન્ઝેક્શન મૂલ્ય: આશરે રૂ. 96,405 કરોડ.

એક દાયકાની અવિશ્વસનીય સફર

10 વર્ષ પહેલા જે UPI એક સામાન્ય પેમેન્ટ પ્લેટફોર્મ તરીકે શરૂ થયું હતું, તે આજે ભારતના ડિજિટલ કોમર્સની કરોડરજ્જુ બની ગયું છે. નાણાકીય વર્ષ 2016-17માં જ્યાં માત્ર 2 કરોડ વ્યવહારો થતા હતા, તે આંકડો નાણાકીય વર્ષ 2025-26૬માં 24,162 કરોડને પાર કરી ગયો છે.

વૈશ્વિક મંચ પર ભારતનો દબદબો

ભારતની આ ડિજિટલ સફળતા હવે વિશ્વના અન્ય દેશો માટે પણ આદર્શ બની રહી છે:

• વૈશ્વિક વિસ્તરણ: UPI હાલમાં UAE, સિંગાપોર, ફ્રાન્સ, મોરેશિયસ, શ્રીલંકા અને ગ્રીસ સહિત આઠથી વધુ દેશોમાં કાર્યરત છે.

• અમેરિકા માટે મોડેલ: તાજેતરમાં જ અમેરિકી સંસદમાં પણ ભારતની UPI સિસ્ટમની પ્રશંસા કરવામાં આવી હતી. અમેરિકા પોતાના પેમેન્ટ ઇન્ફ્રાસ્ટ્રક્ચરને આધુનિક બનાવવા માટે ભારતની આ સિસ્ટમને એક મોડેલ તરીકે જોઈ રહ્યું છે, જેથી ખાનગી ક્ષેત્રમાં ઇનોવેશનને વેગ મળી શકે.