જુનિયર મેહમૂદ તરીકે જાણીતા અભિનેતા નઈમ સૈયદનું મુંબઈમાં થયું અવસાન
Live TV
-
જુનિયર મેહમૂદ તરીકે જાણીતા અભિનેતા નઈમ સૈયદનું મુંબઈમાં થયું અવસાન
જુનિયર મેહમૂદ તરીકે જાણીતા અભિનેતા નઈમ સૈયદનું મુંબઈમાં અવસાન થયું. જુનિયર મહેમૂદે રાત્રે 2 વાગ્યે તેમના નિવાસસ્થાને અંતિમ શ્વાસ લીધા હતા. તેઓ કેન્સરથી પીડિત હતા. કેટલાક દિવસોથી તેમની તબિયત ખરાબ હતી. તેમના અંતિમ સંસ્કાર આજે બપોરે સાંતાક્રુઝ કબ્રસ્તાનમાં કરવામાં આવશે. જુનિયર મેહમૂદના નિધનની પુષ્ટિ તેના નજીકના મિત્ર સલામ કાઝીએ કરી છે.
સલામ કાઝીએ કહ્યું કે ભાગ્યે જ કોઈ 67 વર્ષીય અભિનેતા જુનિયર મહેમૂદને નઈમ સૈયદના નામથી બોલાવે છે. આ તેમનું સાચું નામ હતું. જુનિયર મેહમૂદની યાદગાર ફિલ્મોમાં 'હાથી મેરે સાથી', 'કારવાં' અને 'મેરા નામ જોકર' જેવી ઘણી લોકપ્રિય ફિલ્મોનો સમાવેશ થાય છે.
તેમની અભિનય કારકિર્દીમાં, જુનિયર મહેમૂદે ફિલ્મો સિવાય ટીવી શોમાં કામ કર્યું હતું. તેમની કારકિર્દીની પ્રથમ ફિલ્મ 1967માં આવેલી સંજીવ કુમારની નૌનિહાલ હતી. તે સમયે તેમની ઉંમર 11 વર્ષની હતી. આ પછી તે સંઘર્ષ, બ્રહ્મચારી, દો રાસ્તે, કટી પતંગ હંગામા, છોટી બહુ, દાદાગીરી સહિતની ઘણી ફિલ્મોમાં જોવા મળ્યા હતા. તે મોટાભાગે રાજેશ ખન્ના અને ગોવિંદાની ફિલ્મોમાં જોવા મળ્યા હતા.