"ટોયલેટ એક પ્રેમકથા" ચીનમાં થશે રિલીઝ

8 જુને રજૂ થનારી ભારતની પાંચમી ફિલ્મ હશે.

ભારતના ફિલ્મકારો હવે ચીની ફિલ્મ પ્રેમીઓની શક્તિને પણ સમજવા લાગ્યા છે. એટલા માટે કે અક્ષય કુમાર અને ભૂમિ પેડેનેકેરની ફિલ્મ ટોયલેટ, એક પ્રેમકથા પણ હવે ચીનમાં રિલીઝ થશે. આ ફિલ્મ 8 જૂને રિલીઝ કરવામાં આવશે, સિક્રેટ સુપરસ્ટાર, બજરંગી ભાઇજાન, હિન્દી માધ્યમ અને બાહુબલી -2 બાદ આ વર્ષે ચીનમાં રિલીઝ થનારી આ પાંચમી ફિલ્મ હશે.

અક્ષય કુમારની ફિલ્મ ટોયલેટ - એક પ્રેમ કથા નરેન્દ્ર મોદીના સ્વચ્છ ભારત અભિયાન દ્વારા પ્રેરિત એક પ્રેમ કથા છે. આ ફિલ્મને નરાયણ સિંહે ડાયરેક્ટ કરી છે. આ ફિલ્મને ભારતીય બોક્સ ઓફિસ પર પણ ખુબ લોકપ્રિયતા મળી હતી. આ અંગે ટ્રેડ વિશ્લેષક તરણ આદર્શે પણ ટ્વિટ કર્યું છે.