ખુદગર્ઝ ફિલ્મના ગીત પર ડાન્સ કરી બન્યા સોશિયલ મીડિયા 'કિંગ'

લગ્ન સમારંભમાં ડાન્સ કરવો આમ તો સામાન્ય બાબત છે પરંતુ આ ડાન્સનો વીડિયો વાયરલ થાય અને લોકો તેને શેર કરે તે મોટી બાબત છે. છેલ્લા બે દિવસથી સોશિયલ મીડિયાના વૉટ્સ ઍપ, ફેસબુક, ટ્વીટર જેવા માધ્યમ પર એક વીડિયો ખૂબ જ વાઈરલ થઇ રહ્યો છે, જેમાં એક કાકાએ સુપર ડાન્સ કરતા જોવા મળી રહ્યા છે.

આ વીડિયોમાં તેઓએ 1987માં આવેલી ગોવિંદાની ફિલ્મ 'ખુદગર્ઝ'ના ગીત 'આપ કે આ જાને સે..' પર પત્ની સાથે ડાન્સ કર્યો છે. તેમના ડાન્સના સ્ટેપ્સ જોઇને સારા સારા ડાન્સર પણ શરમાઇ જાય. ઘણા લોકોએ ફેસબુક અને ટ્વીટર પર આ વીડિયોને શેર કર્યો છે. ફેસબુક પર આ વીડિયોને 3 લાખ કરતા વ્યૂય મળી ચૂક્યા છે. આ વીડિયોને પ્રસિદ્ધિ મળતા પાર્ટ ટૂ નો પણ વીડિયો હવે શેર થઇ રહ્યો છે.

અત્યાર સુધીમાં લાખો લોકો આ અંકલના ડાન્સના આ વીડિયોને જોઇ ચુક્યા જેમાં બોલિવુડ એક્ટ્રેસ રવીના ટંડન, દિવ્યા દત્તા અને સંધ્યા મેનને પણ આ વીડિયોને પસંદ કર્યો છે અને શેર કર્યો છે. વાઈરલ થયેલા વીડિયોમાં ડાન્સ કરતા વ્યક્તિનું નામ સંજીવ શ્રીવાસ્તવ છે તેઓ મધ્યપ્રદેશના વિદિશામાં રહેતા રહે છે અને ભોપાલમાં પ્રોફેસર તરીકે કાર્યરત છે. મધ્યપ્રદેશના મુખ્યમંત્રી શિવરાજસિંહ ચૌહાણએ પણ તેમની કળાના વખાણ કર્યા છે.

અંકિત ચૌહાણ, સોશિયલ મીડિયા ડેસ્ક

https://twitter.com/ankitchauhan111