KBCનો પહેલો પ્રોમો કરાયો રિલીઝ

પ્રોમોમાં નજર આવ્યા બિગ બી ડબલ રોલમાં..

કૌન બનેગા કરોડપતિની દસમી સિઝન શરૂ થવા જઇ રહી છે. બિગ બીએ શોનો પહેલો પ્રોમો શૂટ કરી લીધો છે અને તે રિલીઝ પણ થઇ ગયો છે. પ્રોમોમાં બિગ બી ડબલ રોલમાં નજર આવે છે અને સાથે જ તે ઉખાણા પુછી રહ્યાં છે.

6 જૂનથી અમિતાભ બચ્ચન આપને સવાલ પુછશે અને આફ તેમનાં સવાલોનાં જવાબ આપશો. આ દરમિયાન KBC સીઝન 10નાં રજિસ્ટ્રેશનની પ્રક્રિયા પણ શરૂ થવા જઇ રહી છે. 75 વર્ષનાં બિગ બી ફરી એકવખત આ ગેમ શોને હોસ્ટ કરશે. અને તે આપણને સૌને કરોડપતિ બનાવશે.

આ વખતે શોથી ઘણી આશા છે કારણ કે KBCની સિઝન 9 ટીઆરપીનાં મામલે ખુબજ સુપરહિટ રહ્યું હતું. આમ પણ કપિલ શર્માનો શો કલર્સ પર જતો રહ્યો છે તેથી હવે સોની પાસે સૌથી હિટ રિઆલિટી શો KBC છે જે તેને ટીઆરપીની રેસમાં દોડાવી શકે છે.

આમ તો સોની પાસે '10 કા દમ' પણ છે અને તેની સાથે જ સલમાન અને અમિતાભ બચ્ચન એક સાથે ટીવી પર જોવા મળશે. જે પોતાનામાં જ એક ખાસ વાત છે આપને જણાવી દઇએ કે કૌન બનેગા કરોડપતીનું રજીસ્ટ્રેશન 6 જૂનથી શરૂ થવા જઇ રહ્યું છે અને શો જુલાઇ-ઓગષ્ટ મહિનામાં શરૂ થશે.