મુંબઈ પોલીસે સલમાન ખાનને ધમકી આપનાર યુવકની ઝારખંડમાંથી કરી ધરપકડ

પોલીસના વોટ્સએપ હેલ્પલાઈન નંબર પર આવ્યો

અભિનેતા Salman Khan ને જાનથી મારી નાખવાની ધમકી આપનાર અને 5 કરોડ રૂપિયાની ખંડણી માંગનાર વ્યક્તિની મુંબઈ પોલીસે ઝારખંડમાંથી ધરપકડ કરી છે. જોકે થોડા દિવસો પહેલા Salman Khan ને મુંબઈ ટ્રાફિક પોલીસના હેલ્પલાઈન નંબર પર કુખ્યાત ગેંગસ્ટર લોરેન્સ બિશ્નોઈના નામે ધમકી મળી હતી. તો ધમકી આપનાર આરોપીએ 5 કરોડ રૂપિયાની ખંડણી માંગી હતી અને બોલિવૂડ અભિનેતાને મારી નાખવાનું કહ્યું હતું. 

ઝારખંડના જમશેદપુરથી ધરપકડ કરવામાં આવી છે

જોકે બાદમાં આરોપીએ એ જ હેલ્પલાઈન નંબર પર માફી માંગી હતી. હવે મુંબઈ પોલીસે આરોપીની ઝારખંડમાંથી ધરપકડ કરી છે અને તેને પૂછપરછ માટે મુંબઈ લઈ જવામાં આવી રહ્યો છે. મુંબઈ પોલીસે જણાવ્યું કે Salman Khan ને ધમકી આપનાર આરોપીની ઝારખંડના જમશેદપુરથી ધરપકડ કરવામાં આવી છે. વર્લી પોલીસની ટીમ તેની પૂછપરછ કરી રહી છે. ગયા અઠવાડિયે મુંબઈ ટ્રાફિક પોલીસની વોટ્સએપ હેલ્પલાઈન પર એક ધમકીભર્યો મેસેજ આવ્યો હતો. 

પોલીસના વોટ્સએપ હેલ્પલાઈન નંબર પર આવ્યો

જેમાં Salman Khan પાસેથી 5 કરોડ રૂપિયાની ખંડણી માંગવામાં આવી હતી. આ પછી પોલીસે કેસ નોંધીને મામલાની તપાસ શરૂ કરી છે. બોલિવૂડ અભિનેતાને ચેતવણી આપવામાં આવી હતી કે જો તે જેલમાં બંધ ગેંગસ્ટર લોરેન્સ બિશ્નોઈ સાથેના કેસને ઉકેલવા માટે રૂ. 5 કરોડ નહીં ચૂકવે તો તેની હાલત મુંબઈમાં માર્યા ગયેલા NCP નેતા બાબા સિદ્દીકીના કરતાં પણ ખરાબ હશે. આ ધમકીભર્યો મેસેજ 17 ઓક્ટોબરે મુંબઈ ટ્રાફિક પોલીસના વોટ્સએપ હેલ્પલાઈન નંબર પર આવ્યો હતો. 

તો તેની હાલત બાબા સિદ્દીકી કરતા પણ ખરાબ હશે

આરોપીએ પોતાના મેસેજમાં લખ્યું હતું કે, જો Salman Khan જીવતો રહેવા માંગે છે અને લોરેન્સ બિશ્નોઈ સાથેની દુશ્મની ખતમ કરવા માંગે છે તો તેણે 5 કરોડ રૂપિયા ચૂકવવા પડશે. જો આમ નહીં કરવામાં આવે તો તેની હાલત બાબા સિદ્દીકી કરતા પણ ખરાબ હશે. જોકે, આ જ હેલ્પલાઈન નંબર પર બીજો મેસેજ આવ્યો હતો, જેમાં દાવો કરવામાં આવ્યો હતો કે પહેલો મેસેજ ભૂલથી મોકલવામાં આવ્યો હતો.