અમદાવાદઃ રવિશંકર રાવલ કલા ભવન આર્ટ ગેલેરી ખાતે ફોટો એક્ઝીબિશનનું કરાયું આયોજન

અમદાવાદઃ રવિશંકર રાવલ કલા ભવન આર્ટ ગેલેરી ખાતે ફોટો એક્ઝીબિશનનું કરાયું આયોજન

અમદાવાદ શહેરમાં આવેલી રવિશંકર રાવલ કલા ભવન આર્ટ ગેલેરી ખાતે ફોટો એક્ઝીબિશનનું આયોજન કરાયું હતું. આ ફોટો એક્ઝીબીશનમાં રાજસ્થાનના બિકાનેરના શેખાવટી હવેલીઓના અનોખા શિલ્પ સ્થાપત્ય દર્શાવતા ફોટો પ્રદર્શિત કરાયા હતા. અનુભવી ફોટોગ્રાફર દિનેશ પંચોલીએ આ નયનરમ્ય દ્રશ્યોને તસ્વીરોમાં કંડારી હતી. રાજસ્થાનના પ્રાચીન શિલ્પ સ્થાપત્ય તેની એક અનોખી હેરિટેજ કળા ધરાવે છે ત્યારે આ હવેલીઓ એ સમયના જાજરમાન ઇતિહાસની ઝાંખી કરાવે છે અને પ્રવાસીઓમાં એક અનેરૂ સ્થાન ધરાવે છે. ગુજરાત અને અમદાવાદના લોકો, આ શેખાવટી હવેલીઓથી માહિતગાર થાય અને તેમની શિલ્પ સ્થાપત્ય કલાને ઓળખે અને સાથે સાથે પોતાના મનગમતા પ્રવાસ સ્થળોમાં પસંદ કરે એવા આશયથી આ ફોટોગ્રાફી પ્રદર્શન યોજવામાં આવ્યો હોવાનું તસવીરકાર દિનેશ પંચોલીનું કહેવું છે.