અમદાવાદના ગોતામાં સ્માર્ટ આંગણવાડીનું મેયર ગૌતમ શાહ દ્વારા ઉદઘાટન

અમદાવાદના મેયર ગૌતમ શાહે ગોતામાં સ્માર્ટ આંગણવાડીમાં ઉદઘાટન કર્યું હતું.

અમદાવાદ મ્યુનિસિપલ કોર્પોરેશન દ્વારા નવા પશ્ચિમ ઝોનમાં ,ઘાટલોડિયા વોર્ડમાં મહિલા જીમ્નેશીયમ ખાતે નવા તૈયાર કરવામાં આવેલા કિડ્સ કોર્નર તથા ગોતા વોર્ડમાં સ્માર્ટ આંગણવાડીનું આજે મેયર ગૌતમ શાહના હસ્તે લોકાર્પણ કરવામાં આવ્યું હતું. 1.5 લાખના ખર્ચે બાળકો માટે બનાવેલ કિડ્સ કોર્નરમાં બાળકોને રમકડા તથા રમતા રમતા ભણતર મળે તેવી વ્યવસ્થા કરવામાં આવી છે. આ ઉપરાંત અમદાવાદ શહેરની દરેક આંગણવાડી આધુનિક તથા સ્માર્ટ બને તેમજ આંગણવાડી દ્વારા બાળકોને ભણતર મળે તે માટે કોર્પોરેશન દ્વારા કાર્ય કરવામાં આવી રહ્યું છે. આવનારા દિવસોમાં વધુને વધુ આંગણવાડી સ્માર્ટ બનશે તેમ મેયરે જણાવ્યું હતું.