અરવલ્લીમાં ટેકાના ભાવે મગફળીની ખરીદી શરૂ: ખેડૂતોમાં આનંદ, ભાવ 1450રૂ.ને પાર

અરવલ્લીમાં ટેકાના ભાવે મગફળીની ખરીદી શરૂ: ખેડૂતોમાં આનંદ, ભાવ 1450રૂ.ને પાર

અરવલ્લી જિલ્લાના ખેડૂતો માટે સારા સમાચાર છે. જિલ્લામાં ટેકાના ભાવે મગફળીની ખરીદીની વિધિવત્ શરૂઆત કરી દેવામાં આવી છે. ટેકાના ભાવે ખરીદી શરૂ થતાં જ ખેડૂતોમાં ખુશીની લાગણી જોવા મળી રહી છે.

આ મુખ્ય માર્કેટમાં ખરીદી ચાલુ

જિલ્લાના વિવિધ મુખ્ય એપીએમસી (APMC) માર્કેટમાં મગફળીની ખરીદીની કામગીરી જોરશોરથી ચાલી રહી છે. જે માર્કેટમાં ખરીદી શરૂ થઈ છે તેમાં મોડાસા, માલપુર, મેઘરજ, બાયડ, ધનસુરા, ભિલોડા કેન્દ્રોનો સમાવેશ થાય છે. ખાસ કરીને મોડાસા માર્કેટયાર્ડમાં વહેલી સવારથી જ ખેડૂતો મગફળીનો જથ્થો લઈને પહોંચી રહ્યા છે અને ખરીદી પ્રક્રિયામાં ભાગ લઈ રહ્યા છે.

₹1450થી વધુનો ભાવ મળતાં ખેડૂતો ખુશ

આ વર્ષે મગફળીના ટેકાના ભાવમાં વધારો થયો છે. ખેડૂતોને ₹1450 પ્રતિ ક્વિન્ટલ કરતાં વધારે ભાવ મળી રહ્યો છે, જેના કારણે ખેડૂતોમાં સંતોષ અને ખુશીનો માહોલ છે. સારો ભાવ મળવાથી ખેડૂતોને તેમના પાકનું યોગ્ય વળતર મળી રહ્યું છે.

સમગ્ર ખરીદી પ્રક્રિયા દરમિયાન પારદર્શિતા જાળવવા માટે એપીએમસી માર્કેટમાં સીસીટીવી કેમેરા દ્વારા સતત નજર રાખવામાં આવી રહી છે.