આરોગ્ય વિશેષ: રોજની એક મુઠ્ઠી અખરોટ - મેદસ્વિતા અને હૃદયના સ્વાસ્થ્યનો કુદરતી સાથી

આધુનિક જીવનશૈલી અને બિનઆરોગ્યપ્રદ ખોરાકના કારણે મેદસ્વિતા આજે વૈશ્વિક સમસ્યા બની ગઈ છે.

વિશ્વ આરોગ્ય સંસ્થાના મતે, આ સમસ્યા ડાયાબિટીસ અને હૃદયરોગ જેવા ગંભીર રોગોનું મુખ્ય કારણ છે. સ્વાસ્થ્ય નિષ્ણાતોના મતે, આ સમસ્યાના નિવારણમાં દૈનિક આહારમાં 'અખરોટ'નો સમાવેશ અત્યંત લાભદાયી છે.વજન નિયંત્રણ અખરોટમાં રહેલા ફાઈબર અને પ્રોટીન પેટ ભરેલું હોવાનો અનુભવ કરાવે છે, જેથી વધારાની કેલરી લેવાની ટેવ ઘટે છે. સંશોધન મુજબ, અખરોટ ભૂખ પર નિયંત્રણ રાખવામાં મદદરૂપ થાય છે.પોષક તત્વોનો ખજાનો તેમાં ઓમેગા-3 ફેટી એસિડ, વિટામિન-ઈ, મેગ્નેશિયમ અને એન્ટીઑક્સિડન્ટ્સ ભરપૂર પ્રમાણમાં હોય છે, જે શરીરના ચયાપચયને સક્રિય રાખે છે.હૃદય માટે ઉત્તમ અમેરિકન હાર્ટ એસોસિએશનના જણાવ્યા અનુસાર, અખરોટનું નિયમિત સેવન શરીરમાં રહેલું ખરાબ કોલેસ્ટ્રોલ ઘટાડે છે અને બ્લડ શુગરને સંતુલિત રાખે છે, જે ડાયાબિટીસના જોખમને પણ ઘટાડે છે.સોજામાં રાહત અખરોટમાં રહેલું આલ્ફા-લિનોલેનિક એસિડ શરીરમાં ક્રોનિક ઇન્ફ્લેમેશન (સોજા) ઘટાડવામાં મદદરૂપ સાબિત થાય છે.તંદુરસ્ત જીવનશૈલી માટે મર્યાદિત માત્રામાં અખરોટનું સેવન અને નિયમિત કસરતને દિનચર્યાનો હિસ્સો બનાવવી જોઈએ.