કેન્દ્રીય ગૃહ રાજ્યમંત્રીએ ગાંધીનગર અન્નપૂર્ણા ભોજનાલયની મુલાકાત લીધી

ગાંધીનગર લોકસભાના લોકપ્રિય સાંસદ અને કેન્દ્રીય ગૃહ તથા સહકાર મંત્રી અમિત શાહ ની પ્રેરણાથી તુલસી વલ્લભ નિધિ દ્વારા સિવિલ હોસ્પિટલ, ગાંધીનગર ખાતે ''અન્નપૂર્ણા ભોજનાલય'' ચાલી રહેલ છે. જેમાં કેન્દ્રીય ગૃહ રાજ્યમંત્રી અજય મિશ્રા પધાર્યા હતા. આ અવસરે તેમની સાથે મેયર હિતેશ મકવાણા ઉપસ્થિત રહી ભોજન પીરસીને ''સેવા પરમો ધર્મ'' ના ભાવ સાથે લોકસેવામાં સહભાગી થયા હતા.

આ અવસરે નવનિયુક્ત રાજ્યસભાના સાંસદ તથા ગાંધીનગર લોકસભાના પ્રભારી મયંક નાયક, શહેર અધ્યક્ષ રુચિર ભટ્ટ, ધારાસભ્ય રીટા પટેલ, ડે. મેયર પ્રેમલસિંહ ગોલ, શહેર મહામંત્રીઓ, કાઉન્સિલરઓ, પૂર્વ મેયર, પૂર્વ ડે.મેયર, સંગઠનના હોદેદારો તેમજ મોટી સંખ્યામાં કાર્યકર્તાઓ ઉપસ્થિત રહ્યા હતા.