ગીર સોમનાથના ઉનામાં PMEGP હેઠળ રૂ.100 કરોડની સબસિડીનું વિતરણ કરાયું

લોખંડી પુરૂષ સરદાર વલ્લભભાઈ પટેલની જન્મજયંતી નિમિત્તે ખાદી અને ગ્રામોદ્યોગ આયોગ (KVIC), સૂક્ષ્મ, લઘુ અને મધ્યમ ઉદ્યોગ મંત્રાલય, ભારત સરકાર દ્વારા ઉનામાં યોગ કેન્દ્ર ખાતે પ્રધાનમંત્રી રોજગાર સર્જન કાર્યક્રમ હેઠળ માર્જિન મની સબસિડી અને ગ્રામોદ્યોગ વિકાસ યોજના હેઠળ મશીનરી અને ટૂલકીટ વિતરણ કાર્યક્રમનું આયોજન કરવામાં આવ્યું હતું. વિતરણ કાર્યક્રમમાં KVICના અધ્યક્ષ  મનોજ કુમાર, જૂનાગઢ લોકસભા મત વિસ્તારના સાંસદ રાજેશભાઈ ચુડાસમા અને ઉનાના ધારાસભ્ય કાળુભાઈ રાઠોડની હાજરીમાં PMEGP યોજના હેઠળ 100 કરોડ રૂપિયાની માર્જિન મની સબસિડીનું વિતરણ કરવામાં આવ્યું હતું. અને ગ્રામોદ્યોગ વિકાસ યોજના હેઠળ રૂ.155  કરોડ અને લાભાર્થીઓને 123 મશીનરી અને ટૂલ કીટનું વિતરણ કર્યું. વિતરણ કાર્યક્રમ પહેલા 'રાષ્ટ્રીય એકતા દિવસ' નિમિત્તે 'રન ફોર યુનિટી' કાર્યક્રમનું આયોજન કરવામાં આવ્યું હતું. KVICના અધ્યક્ષ મનોજ કુમારના નેતૃત્વમાં આ કાર્યક્રમમાં મોટી સંખ્યામાં ખાદી કારીગરો, લાભાર્થીઓ, કર્મચારીઓ અને સ્થાનિક લોકોએ ઉત્સાહપૂર્વક ભાગ લીધો હતો.

KVICના અધ્યક્ષ મનોજ કુમારના જણાવ્યા અનુસાર, વિતરણ કાર્યક્રમમાં 155 લાભાર્થીઓને મશીનરી અને ટૂલ કીટ આપવામાં આવી છે, જેમાં ગીર-સોમનાથ, અમરેલી, અમદાવાદ, નર્મદા અને જૂનાગઢના 20 લાભાર્થીઓને Digni-Tea, ગીર-સોમનાથ, અમરેલી, ભાવનગર, બનાસકાંઠા અને મોરબીના 75 લાભાર્થીઓને લેધર ટુલ-કીટ, ગીર-સોમનાથના 40 લાભાર્થીઓને ચામડાની ટુલ-કીટ આપવામાં આવી હતી. લાભાર્થીઓને Dona Making Machineનું વિતરણ કરવામાં આવ્યું હતું અને અમરેલીના 20 કુંભારોને ઈલેક્ટ્રીકલી ઓપરેટેડ ચાકનું વિતરણ કરવામાં આવ્યું હતું. તેમણે વધુમાં જણાવ્યું હતું કે PMEGP યોજના હેઠળ સમગ્ર દેશમાં 2521 લાભાર્થીઓને 100 કરોડ રૂપિયાની માર્જિન મની સબસિડીનું વિતરણ કરવામાં આવ્યું હતું. 100 કરોડમાંથી લગભગ 18 કરોડ રૂપિયા ગુજરાતના  લાભાર્થીઓના ખાતામાં ગયા છે. આના દ્વારા સમગ્ર દેશમાં 2521 જેટલા એકમોની સ્થાપના કરવામાં આવી છે, જ્યારે ગુજરાતમાં 172 નવા એકમોની સ્થાપના કરવામાં આવી છે. આ એકમો દ્વારા સમગ્ર દેશમાં 27 હજારથી વધુ રોજગારીનું સર્જન થયું છે, ત્યારે ગુજરાતમાં લગભગ 2 હજાર નવા લોકોને રોજગારી મળી છે.

કાર્યક્રમને સંબોધતા ખાદી અને ગ્રામોદ્યોગ આયોગના અધ્યક્ષ મનોજ કુમારે જણાવ્યું હતું કે  પ્રધાનમંત્રી નરેન્દ્ર મોદીની પ્રેરણાથી ખાદી અને ગ્રામોદ્યોગ આયોગ દરેક ગામમાં રોજગારી આપવા માટે સતત પ્રયત્નો કરી રહ્યું છે. તેમના નેતૃત્વ હેઠળ, છેલ્લા નાણાકીય વર્ષમાં ઇતિહાસ રચીને, ખાદી અને ગ્રામોદ્યોગ ઉત્પાદનોનો વ્યવસાય રૂ.1.34 લાખ કરોડને પાર કરી ગયો, જ્યારે એક જ નાણાકીય વર્ષમાં સૌથી વધુ 9.54 લાખના નવા રોજગાર સર્જનનો રેકોર્ડ બનાવ્યો. તેમણે કહ્યું કે 2, ઓક્ટોબર, 2023 ગાંધી જયંતિના દિવસે દિલ્હીના કનોટ પ્લેસમાં ફ્લેગશિપ ખાદી ભવનમાં એક જ દિવસમાં 1.52 કરોડ રૂપિયાના ખાદી ઉત્પાદનોનું વેચાણ થયું હતું. 

વિતરણ કાર્યક્રમને સંબોધતા જૂનાગઢ લોકસભા બેઠકના સાંસદ રાજેશ ચુડાસમાએ જણાવ્યું હતું કે પ્રધાનમંત્રી નરેન્દ્રભાઈ મોદીજીના નેતૃત્વમાં ખાદી અને ગ્રામોદ્યોગ આયોગ છેલ્લા 9 વર્ષમાં દરરોજ નવી ઉંચાઈઓને સ્પર્શ કરી રહ્યું છે. આજે ગ્રામીણ વિસ્તારોમાં આના દ્વારા લાખો લોકોને રોજગારી મળી રહી છે. ખાદી અને ગ્રામોદ્યોગ આયોગના કાર્યોની પ્રશંસા કરતા તેમણે કહ્યું કે પ્રધાનમંત્રી નરેન્દ્ર મોદીના માર્ગદર્શન હેઠળ ખાદી ઉત્પાદનો આજે 'ગ્લોબલ બ્રાન્ડ' બની ગયા છે. તેમણે દરેકને તહેવારો દરમિયાન સ્વદેશી ખાદી ઉત્પાદનો ખરીદવા અપીલ કરી હતી જેથી કરીને ગ્રામીણ વિસ્તારોમાં KVIC સાથે સંકળાયેલા લાખો કારીગરોને આજીવિકાની તકો મળે.