ગુજરાત પોલીસનું ગૌરવ: ‘ચેક’ નામના ડોગનો રાષ્ટ્રીય સ્તરે દબદબો, 16 વર્ષ બાદ જીત્યો ગોલ્ડ મેડલ

ગુજરાત પોલીસનું ગૌરવ: ‘ચેક’ નામના ડોગનો રાષ્ટ્રીય સ્તરે દબદબો, 16 વર્ષ બાદ જીત્યો ગોલ્ડ મેડલ

મહારાષ્ટ્રના નાગપુર ખાતે યોજાયેલી 69મી ઓલ ઇન્ડિયા પોલીસ ડ્યુટી મીટ 2025-26માં ગુજરાત પોલીસના જાંબાઝ શ્વાન **‘ચેક’**એ ઐતિહાસિક સફળતા મેળવી છે. ટ્રેકિંગ ઇવેન્ટમાં દેશભરની પોલીસ એજન્સીઓના પ્રશિક્ષિત શ્વાનોને પાછળ છોડીને ‘ચેક’એ ગોલ્ડ મેડલ પર કબજો કર્યો છે.

16 વર્ષનો દુષ્કાળ ખતમ

ગુજરાત પોલીસના શ્વાન દળ માટે આ ક્ષણ અત્યંત વિશેષ છે, કારણ કે પૂરા 16 વર્ષના લાંબા અંતરાલ બાદ કોઈ પોલીસ શ્વાને રાષ્ટ્રીય કક્ષાની સ્પર્ધામાં સુવર્ણ પદક હાંસલ કર્યો છે. ‘ચેક’એ ટ્રેકિંગ કેટેગરીમાં દેશભરના 45 કુશળ પોલીસ ડોગ્સ સામે કડાક સ્પર્ધા કરી આ સિદ્ધિ મેળવી છે. આ ઉપરાંત, તેણે ઓવરઓલ ટ્રેકિંગ સ્પર્ધામાં પણ બ્રોન્ઝ મેડલ જીતીને રાજ્યનું નામ રોશન કર્યું છે.

ગાંધીનગરમાં ભવ્ય સન્માન

આ ભવ્ય સફળતા બાદ ગાંધીનગર ખાતે એક વિશેષ કાર્યક્રમ યોજવામાં આવ્યો હતો. રાજ્ય પોલીસ વડા ડૉ. કે.એલ.એન. રાવે ગોલ્ડ મેડલિસ્ટ ‘ચેક’ ને વહાલ કરી અભિનંદન આપ્યા હતા. તેની સાથે જ તેના હેન્ડલર રમેશ ખાંટ અને, ટ્રેનિંગ કન્સલ્ટન્ટ કર્નલ ચંદનસિંહ રાઠોડને પણ સન્માનિત કરવામાં આવ્યા હતા.

કડક તાલીમનું પરિણામ

DGP ડૉ. નીરજા ગોટરુના સીધા માર્ગદર્શન હેઠળ ગુજરાત પોલીસ દ્વારા શ્વાનોને અત્યાધુનિક તાલીમ આપવામાં આવે છે. આ સ્પર્ધા માટે પસંદ કરાયેલા 6 વિશિષ્ટ ડોગ્સમાંથી ‘ચેક’ એ મેદાન માર્યું હતું. તેની ટ્રેકિંગ ક્ષમતા અને ચોકસાઈએ નિર્ણાયકોને પણ પ્રભાવિત કર્યા હતા.

ગુજરાત પોલીસનું શ્વાન દળ: આંકડાકીય વિગત

રાજ્યમાં ગુનાખોરી ડામવા અને જટિલ ગુનાઓના ઉકેલ માટે પોલીસ ડોગ્સ મહત્વની કડી સાબિત થાય છે. કુલ કાર્યરત ડોગ્સ 160 (લગભગ ) છે. તેનું મુખ્ય કાર્ય વિસ્ફોટકોની શોધખોળ, ડ્રગ્સ ટ્રેકિંગ અને ગુનેગારોનો પીછો કરવો છે.

‘ચેક’ની આ સફળતા માત્ર મેડલ પૂરતી મર્યાદિત નથી, પરંતુ તે ગુજરાત પોલીસના પ્રશિક્ષણ સ્તર અને ટેકનિકલ સજ્જતાની પણ સાક્ષી પૂરે છે. આ સિદ્ધિથી પોલીસ દળના અન્ય હેન્ડલર્સ અને ટ્રેનર્સમાં પણ ભારે ઉત્સાહ જોવા મળી રહ્યો છે.