છેલ્લા 24 કલાકમાં રાજ્યના 28 જિલ્લાના 125 તાલુકામાં નોંધપાત્ર વરસાદ પડ્યો
Live TV
-
16-07-2021 | 12:21 pm
Share Now
રાજ્યમાં ચોમાસું ધીમે ધીમે જામી રહ્યું છે. છેલ્લા 24 કલાક દરમિયાન રાજ્યના 28 જિલ્લાના 125 તાલુકામાં નોંધપાત્ર વરસાદ પડ્યો. સૌથી વધુ ડાંગ જિલ્લાના વઘઇમાં પોણા ત્રણ ઇંચ વરસાદ ખાબક્યો છે. જ્યારે છોટાઉદેપુર સાડા ત્રણ ઇંચ, ડાંગના આહવામાં બે ઇંચ, નવસારીના વાસંદા અને પંચમહાલના મોરવા હડફમાં દોઢ ઇંચ વરસાદ નોંધાયો. જ્યારે વલસાડ, અમરેલીના જાફરાબાદ અને દાહોદ તાલુકામાં એકથી સવા ઇંચ વરસાદ પડ્યો. આ ઉપરાંત સારબરાંઠા, કચ્છના નખત્રાણા, નવસારીના ચિખલી, ગણદેવી અને પાટણમાં સરેરાશ એક ઇંચ વરસાદ નોંધાયો..મહત્વનું છે કે, રાજ્યમાં અત્યાર સુધી સિઝનનો 20 ટકા વરસાદ પડી ચૂક્યો છે.
