છોટાઉદેપુર નજીક થયેલા અકસ્માત પર CM વિજય રૂપાણીએ દુ:ખ વ્યક્ત કર્યું

છોટાઉદેપુર નજીક રંગપુર પાટિયા પાસે થયેલા અકસ્માતને લઇને મુખ્યમંત્રી વિજય રૂપાણીએ ઘેરા શોકની લાગણી વ્યક્ત કરી. મુખ્યમંત્રીએ ટ્વીટ કરી ઇજાગ્રસ્ત લોકોની જલદી સ્વસ્થ થાય તેવી કામના કરી

રંગપુર પાટિયા પાસે ટેન્કર અને કાર વચ્ચે થયેલા અક્સમાતમાં મૃત્યુ પામેલા લોકો પ્રત્યે મુખ્યમંત્રી વિજય રૂપાણીએ સંવેદના વ્યક્ત કરી છે. મુખ્યમંત્રી વિજય રૂપાણીએ ટ્વીટ કરી લખ્યું કે, છોટાઉદેપુર નજીક થયેલા અકસ્માતના સમાચારથી ખુબ જ દુ:ખ થયું. અકસ્માતમાં ઇજાગ્રસ્ત થયેલા લોકો જલદીથી સ્વસ્થ થાય તેવી પ્રાર્થના અને મૃત્યુ પામલે લોકોની આત્માને શાંતિ મળે તેવી પ્રભુને પ્રાર્થના.

ઉલ્લેખનીય છે કે, છોટાઉદેપુરના રંગપુર પાટિયા પાસે ટેન્કર અને કાર વચ્ચે  ગમખ્વાર અકસ્માત સર્જાયો હતો, જેમાં 3 બાળકો સહિત 7  લોકોના કરુણ  મોત થયા હતા. ગમખ્વાર અકસ્માતમાં મૃત્યુ પામેલા લોકો પૈકી 6 લોકો એક જ પરિવારના હતા. આ પરિવાર મધ્યપ્રદેશના કુક્ષી તાલુકાના અંબાડા ગામનો રહેવાસી હતો અને પરિવારના એક બીમાર બાળકને સારવાર માટે વડોદરા લઈને આવી રહ્યો હતો ત્યારે જ આ અકસ્માત સર્જાયો હતો.