દિવાળી વેકેશન માટે સુરત એસટી બસ વિભાગ દ્વારા ખાસ વ્યવસ્થા

મુસાફરોની સુવિધા માટે 1000 કરતા પણ વધુ બસો દોડાવાશે

દિવાળી વેકેશન માટે સુરત એસટી બસ વિભાગ દ્વારા 1000 કરતા પણ વધુ બસો દોડાવવામાં આવશે, જેમાં ગુજરાત સહિત મહારાષ્ટ્રમાં પણ બસો દોડવામાં આવશે.સુરતને કર્મભૂમિ બનાવી શહેરમાં વસતા લાખો લોકો વાર તહેવારે માદરે વતન જાય છે તેમાંય ખાસ કરીને દિવાળી અને ઉનાળુ વેકેશનમાં વતન જતાં હોય છે. ત્યારે રેલવે અને બસમાં ભારે ભીડનો ધસારો જોવા મળે છે મુસાફરોના ધસારાને ધ્યાને લઇ સુરત એસટી બસ નિગમ દ્વારા 1000 વધુ બસો દોડાવાશે. જેમાં તારીખ 22 થી 27 ઓક્ટોબર સુધી સૌરાષ્ટ્ર, ઉત્તર ગુજરાત, દાહોદ, ગોધરા, ઝાલોદ, લુણાવાડા અને પંચમહાલના રૂટ પર બસ દોડાવાશે. આ ઉપરાંત સુરત ઉધના ડેપોથી મહારાષ્ટ્ર ખાતે મહારાષ્ટ્રના નવાપુર, ધુલિયામાં વધારાની બસ દોડાવાશે