દૂરદર્શન અને આકાશવાણીના સ્ટાફ કોલોની ખાતે કોરોના ટેસ્ટના કેમ્પનું આયોજન કરવામાં આવ્યું

અમદાવાદ શહેરના થલતેજ ખાતે આવેલી દૂરદર્શન અને આકાશવાણીના સ્ટાફ કોલોની ખાતે કોરોના ટેસ્ટના કેમ્પનું આયોજન કરવામાં આવ્યું હતું. અમદાવાદ મ્યુનિસિપલ કોર્પોરેશન અને આરોગ્ય વિભાગનાં સહયોગથી યોજવામાં આવેલા આ કેમ્પમાં કર્મચારીઓ અને તેમના પરિવારજનોએ કોરોનાની સાવચેતીનાં ભાગરૂપે સ્વેચ્છાએ ભાગ લીધો હતો અને ટેસ્ટ કરાવ્યા હતા. દૂરદર્શન અને આકાશવાણીનાં કર્મચારીઓ કોરોનાનાં કપરા સમયમાં પ્રસારણ માધ્યમમા પોતાનું મહત્વનું યોગદાન તો આપી જ રહ્યા છે પણ સાથે-સાથે કોરોનાનાં સંક્રમણને અટકાવવા અને પોતાની તેમજ સમાજ-પરિવારની સાવચેતી માટે હંમેશાં સતર્કતા દાખવે છે. તે સરાહનીય બાબત હોવાનું દૂરદર્શનનાં એન્જિનીયરીંગ વિભાગનાં DDG કમલેન્દ્ર સરભાઈએ જણાવ્યું હતું.