દૂરસંચાર વિભાગ (DoT) ગુજરાત LSA દ્વારા 'વિજિલન્સ અવેરનેસ વીક-2021' સંદર્ભે ગ્રામસભાઓનું કરાયું આયોજન

દૂરસંચાર વિભાગ (DoT)ગુજરાત LSA દ્વારા 'વિજિલન્સ અવેરનેસ વીક-2021' દરમિયાન 29 ઓક્ટોબર, 2021ના રોજ ગાંધીનગર જિલ્લાનાં ઈસનપુર મોટા અને મગોડી ગામોમાં જનજાગૃતિ વધારવા માટે ગ્રામસભાઓ યોજવામાં આવી હતી. દૂરસંચાર વિભાગ (DoT), ગુજરાત LSA, CCA ગુજરાત, ગામના સરપંચો અને વ્યક્તિગત ગામોના સામાન્ય લોકોના વરિષ્ઠ અધિકારીઓએ ગ્રામસભાઓમાં હાજરી આપી હતી. સમાજમાં ભ્રષ્ટાચારના કારણો અને તેનો સામનો કેવી રીતે કરવો તે અંગે નિષ્ઠાવાન વાર્તાલાપનું આયોજન કરવામાં આવ્યું હતું. રાજેશ કુમાર ગુપ્તા, તકેદારી અધિકારી અને નિયામક (અનુપાલન), ગુજરાત LSA દ્વારા જાહેર હિતની જાહેરાત (PIDPI)અધિનિયમ હેઠળની ફરિયાદ વિશે ગ્રામજનોને માહિતી આપવામાં આવી હતી. તેમણે આ વિષય પર ભ્રષ્ટાચારની ફરિયાદો અને અન્ય સંબંધિત ઇનપુટ્સ કેવી રીતે ફાઇલ કરવી તેની માહિતી પણ આપી હતી. ગ્રામસભાના તમામ ઉપસ્થિતોએ નાગરિક અખંડિતતાની પ્રતિજ્ઞા લીધી હતી. 

ઈસનપુર મોટા ગામના સરપંચ રમણ ભાઈએ સ્થાનિકોને સંબોધ્યા અને જાગ્રત રહેવાના મહત્વ પર ભાર મૂક્યો. મગોડી ગામના માજી સરપંચ ગોવિંગ ભાઈએ સભાને પ્રામાણિક બનવાનું મહત્વ અને ભ્રષ્ટાચાર સામે કેવી રીતે લડવું તે વિશે વાત કરી હતી.

પ્રદીપ સિંઘે, મદદનીશ નિયામક ગુજરાત એલએસએ, ગ્રામજનોને મોબાઈલ ફોન, ઈમેલ અને લેપટોપ દ્વારા વર્તમાન ઈન્ટરનેટ યુગમાં સાયબર છેતરપિંડીની સામાન્ય પદ્ધતિઓ વિશે માહિતગાર કર્યા હતા. ગ્રામજનોને આવા છેતરપિંડી કરનારાઓથી સુરક્ષિત રહેવાની શ્રેષ્ઠ તકનીકો શીખવવામાં આવી હતી.