દેવભૂમિ દ્વારકા જિલ્લામાં બે દિવસ સુધી સધન સુરક્ષા

જગત મંદિરમાં આતંકી હુમલાને અટકાવવા માટે યોજાઇ મોકડ્રિલ.

 યાત્રાધામ દ્વારકામાં ઝેડ પ્લસની કેટેગરી ધરાવતું જગત મંદિર અનેક વખત આતંકી હુમલા માટે હિટ લિસ્ટમાં આવેલ છે. ત્યારે પોલીસ તેમજ તમામ સુરક્ષા એજન્સી દ્વારા દર વર્ષે સાગર કવચ અંતર્ગત મોકડ્રિલ યોજાય છે. જેમાં દ્વારકા જગત મંદિરમાં પણ સુરક્ષા ની દ્રષ્ટિ એ અત્યંત મહત્વ ધરાવતું હોવાથી બુધવારથી શરુ થયેલ સાગર કવચ દરમિયાન દ્વારકામાં આવેલ મંદિરમાં પોલીસે ચુસ્ત બંદોબસ્ત ગોઠવાયો છે. મંદિરમાં કોઈ ઘૂસણખોરી ન કરે અથવા તો પ્રયાસ કરવામાં આવે તો તેને રોકવા માટે પણ પોલીસ જવાન સજ્જ છે.  

 યાત્રાધામ દ્વારકા તરફ આવતા તમામ વાહનોનું ચેકીંગ કરવામાં આવી રહ્યું છે અને બાદ માં જ તેઓ દ્વારકામાં પ્રવેશે છે. ત્યારે હાલ જે પડકારો સામે આવે છે તે હેતુથી પોલીસને ગોઠવાઈ છે. કોઈ પણ પ્રકારના સુરક્ષાને ધ્યાનમાં લઈને પડકાર આવે તે ને પહોંચી વડવા પોલીસ સક્ષમ છે અને શંકાસ્પદ વાહન દ્વારકા મંદિર કે શહેરમાં ન પ્રવેશે તેવી તકેદારી રાઉન્ડ ધ ક્લોક પેટ્રોલિંગ કરવામાં આવ્યું છે.