દ્વારકામાં એક રહેણાંક મકાનમાં આગ લાગતાં ગૂંગળામણથી 4 લોકોના મોત

દ્વારકામાં શીતળા માતાના મંદિર પાસે એક રહેણાંક મકાનમાં આગ લાગતાં ગૂંગળામણથી 4 ના મોત થયા છે. વહેલી સવારે ચાર વાગ્યા બાદનો આં બનાવ છે. દ્વારકાનાં આદિત્ય રોડ પર એક રહેણાક મકાન મા આગ લાગી હતી. અચાનક આગ લાગતાં પાલિકાની ફાયર ટીમ ને ફોન આવતા ફાયર ટીમ પહોંચી હતી.

મકાનમાં આગ લાગતા ગૂંગળામણને કારણે ઘટનામાં 4 લોકોએ જીવ ગુમાવ્યો છે. જેમાં 1 બાળકી, 2 મહિલા, 1 પુરુષનું મૃત્યુ થયું છે .આ આગ માં એક અંદાજે વર્ષીય વૃદ્ધાનો બચાવ થયો છે. આગનું કારણ હાલ જાણવા મળેલ નથી.

ઘટનાની જાણ થતા તાત્કાલિક ધોરણે ફાયરની ટિમે ઘટના સ્થળે પહોંચી આગ પર કાબુ મેળવ્યો હતો. જો કે હજી આગ લાગવાનું કારણ અકબંધ છે. મૃતદેહો સરકારી હોસ્પિટલ પોસ્ટમોર્ટમ માટે ખસેડાયા છે.. હાલ પોલીસે પંચનામુ કરી આગળ તપાસ હાથ ધરી છે.