નવસારીઃ C.R પાટીલ અને કનુ દેસાઈની ઉપસ્થિતિમાં વિકસિત ભારત સંકલ્પ યાત્રાનું થયું સ્વાગત

નવસારી જિલ્લાના દેવસર ગામે વિકસિત ભારત સંકલ્પ યાત્રા રથ આવી પહોંચ્યો હતો.

નવસારી જિલ્લાના દેવસર ગામે વિકસિત ભારત સંકલ્પ યાત્રા રથ આવી પહોંચ્યો હતો. જ્યાં રાજ્યના નાણા મંત્રી કનુ દેસાઈ તથા ભાજપ પ્રદેશ પ્રમુખ સી.આર.પાટીલની ઉપસ્થિતિમાં ગ્રામજનોએ વિકસિત ભારત સંકલ્પ યાત્રા રથનું ભવ્ય સ્વાગત કર્યું હતું. 

વિકાસની પ્રતિબદ્ધતા વ્યક્ત કરતા નવસારીના સાંસદ સી.આર.પાટીલે જણાવ્યું હતું કે,  “સરકાર છેવાડાના માનવી સુધી સરકારની યોજનાનો લાભ પહોંચાડીને લોકોના જીવનશૈલીમાં બદલાવ લાવવા માટે કટિબદ્ધ છે. આ કાર્યક્રમમાં મહાનુભાવોના હસ્તે વિવિધ યોજનાઓના લાભાર્થીઓને સહાયનું વિતરણ કરાયુ હતું. વિવિધ સરકારી યોજનાઓનાલાભાર્થીઓએ “ મેરી કહાની મેરી જુબાની” હેઠળ પોતાના અનુભવો જણાવ્યા હતા.