નાઈઝીરિયન યુવક પાસેથી પકડાયું 6 કરોડનું ડ્રગ્સ

વડોદરા રેલવે સ્ટેશનથી નાર્કોટિક્સ વિભાગે 6 કરોડના ડ્રગ્સ સાથે નાઈઝીરિયન શખ્સને ઝડપી પાડ્યો

વડોદરા નજીક નાર્કોટિક્સ વિભાગે રાજધાની ટ્રેનમાંથી નાઈઝીરિયન શખ્સ પાસેથી 1.210 કિલોગ્રામ હેરોઈન પકડી પાડ્યું છે. નાર્કોટિક્સ વિભાગે બાતમીના આધારે 6 કરોડનું ડ્રગ્સ સાથે 38 વર્ષિય શખ્સ નોન્સો ચાર્લ્સને વડોદરા રેલવે સ્ટેશનથી ઝડપી પાડ્યો છે. નશીલા પદાર્થ અલગ અલગ પેકેટમાં છુપાવ્યા હતા, જેને નાર્કોટિક્સ વિભાગે કબજે કર્યા છે. ડ્રગ્સ સાથે ઝડપાયેલ નાઈઝીરિયન શખ્સ આ અગાઉ પણ નશીલા પદાર્થ સપ્લાય કરી ચૂક્યો હોવાનું સામે આવ્યું છે. 

નાર્કોટિક્સ વિભાગે આ અગાઉ પણ ડ્રગ્સની હેરાફેરીનો પર્દાફાશ કર્યો છે, જોકે આ ઑપરેશનને સૌથી મોટું માનવામાં આવી રહ્યું છે.