પ્રધાનમંત્રીએ ગુજરાતના સુરત એરપોર્ટના નવા ટર્મિનલ ભવનનું લોકાર્પણ કર્યું અને નવનિર્મિત ડાયમંડ બુર્સ રાષ્ટ્રને સમર્પિત કર્યું

પ્રધાનમંત્રી નરેન્દ્ર મોદીએ આજે ગુજરાતના સુરત એરપોર્ટના નવા ટર્મિનલ ભવનનું લોકાર્પણ કર્યું અને નવનિર્મિત ડાયમંડ બુર્સ રાષ્ટ્રને સમર્પિત કર્યું. આ વિશ્વનું સૌથી મોટું કોર્પોરેટ ઓફિસ કેન્દ્ર છે જે હીરા અને જ્વેલરી માટે આંતરરાષ્ટ્રીય વેપાર કેન્દ્ર બનશે. અહીંથી કટ અને અનકટ બંને હીરા અને જ્વેલરીનો વેપાર કરી શકાય છે. આ બુલિયન માર્કેટ ડાયમંડ અને જ્વેલરીના વેપાર માટે વિશ્વનું સૌથી મોટું અને આધુનિક કેન્દ્ર હશે. આ અગાઉ પ્રધાનમંત્રીએ સુરત એરપોર્ટના નવા ટર્મિનલ ભવનનું લોકાર્પણ કર્યું હતું. ઉલ્લેખનીય છે કે, આ ટર્મિનલ ભવન દરરોજ 1200 સ્થાનિક મુસાફરો અને 600 આંતરરાષ્ટ્રીય મુસાફરો એટલે કે દર વર્ષે 55 લાખ મુસાફરો મુસાફરી કરી શકશે. આ ભવનમાં સુરતના રાંદેર પ્રદેશના પરંપરાગત લાકડાનું કામ છે અને તેમાં ડબલ ઇન્સ્યુલેટેડ છત, વરસાદી પાણીનો સંગ્રહ અને સોલાર પાવર પ્લાન્ટ પણ છે