બાર્કના રેટિંગમાં દર્શકોની પ્રથમ પસંદગી બનતું ડીડી ગિરનાર

બાર્ક રેટિંગના ચાલુ વર્ષના આંકડા સામે આવ્યા છે, જેમાં દર્શકોએ ડીડી ગિરનાર ચેનલને પોતાની પસંદ બતાવી છે. 12માં સપ્તાહ એટલે કે, તારીખ 17 થી 23 માર્ચ 2018ના બાર્ક એટલે કે, બ્રૉડકાસ્ટ ઑડિયન્સ રીસર્ચ કાઉન્સિલ ઇન્ડિયાએ રેટિંગ આંકડા બહાર પાડ્યા છે, જેમાં ડીડી ગિરનાર ચેનલને ટૉપ ફાઇવમાં સ્થાન મળ્યું છે. 

આ પહેલા પણ ડીડી ગિરનાર પર પ્રસારિત થતાં સમાચાર હંમેશા દર્શકોની પસંદગી બન્યું છે. ડીડી ગિરનારનું ઇવનિંગ અને ન્યૂઝ ફોક્સ દર્શકો વધુ પસંદ કરી રહ્યા છે, જેમાં ગલી-મહોલ્લાથી માંડી ગામડાથી મેટ્રો શહેરના પણ સમાચાર ટેલિકાસ્ટ કરવામાં આવે છે, જેને દર્શકો વધુ પસંદ કરી રહ્યા છે.

માત્ર સમાચાર, સંપૂર્ણ સમાચારની ટેગ લાઇનથી વિશ્વના ખૂણે-ખૂણે સમાચાર પહોંચાડવા માટે હવે સોશિયલ મીડિયા પણ ખાસ એક્ટિવ કરાયું છે. ડીડી ગિરનારના સમાચાર વિભાગ દ્વારા ખાસ વેબસાઇટ www.ddnewsgujarati.com શરૂ કરાઇ છે. આ સાથે જ ફેસબુક, ટ્વીટર અને યુટ્યુબ પર તમામ અડેટ્સ મેળવવા માટે @DDNewsGujarati પણ સતત એક્ટિવ છે.

અંકિત ચૌહણ, સોશિયલ મીડિયા ડેસ્ક