બોટાદના સાળંગપુરમાં ભાજપની કારોબારી બેઠક

આજે ભારતીય જનતા પક્ષની કારોબારીની બેઠક સાળંગપુર હનુમાનજી મંદિરમાં મળી છે. એક હજારથી વધુ ભાજપ પ્રદેશ આગેવાનો ભાગ લીધો છે. ગઈકાલે અને આજે એમ બે દિવસીય બેઠકનું આયોજન કરાયું છે. આ બેઠકમાં કેન્દ્રીય મંત્રી અને ભાજપ પ્રદેશ અધ્યક્ષ સી.આર.પાટીલ પણ હાજર છે. આ સિવાય રાજ્યના મુખ્યમંત્રી ભૂપેન્દ્ર પટેલ સહિત ભાજપના ટોચના નેતાઓ પણ ઉપસ્થિત છે...આ બેઠકમાં કેન્દ્રીય મંત્રી પિયુષ ગોયેલ પણ હાજરી આપવા માટે આવી પહોંચ્યા છે. આ વિસ્તૃત કારોબારી બેઠકમાં ભાજપના અનેક મુદ્દાઓ પર ચર્ચા થવાની છે...કાર્યકારી ભાજપ પ્રદેશ પ્રમુખના નામનું પણ એલાન થાય તેવી ચર્ચાઓ વહેતી થઈ છે...આ બેઠકમાં પાટીલે કહ્યું કે, પ્રદેશ અધ્યક્ષ તરીકે મારા કાર્યકાળ દરમિયાન કોઈને ખોટું લાગ્યું હોય તો માફ કરશો.