બોટાદ : એસપી કચેરીથી માર્ગ સલામતી માસની ઉજવણી કાર્યક્રમો શુભારંભ

બોટાદ એસપી કચેરીના ઓડિટોરિયમ હોલમાં માર્ગ સલામતી માસની ઉજવણીનો કાર્યક્રમ યોજાયો હતો. બોટાદ જિલ્લા કલેકટર ડો.જેન્સી રોય, એસપી કિશોર બળોલિયા તેમજ આરટીઓ કચેરીના અધિકારીઓ અને પોલીસ કર્મચારીઓ હજાર રહ્યા હતા.વિદ્યાર્થીઓની રેલીને લીલી ઝંડી આપી, પ્રસ્થાન કરાવી રેલી મુખ્ય માર્ગો ઉપર નીકળી હતી.

હાજર રહેલા સ્કૂલના બાળકોને પોલીસ કર્મચારી તેમજ આરટીઓના અધિકારીઓ દ્વારા માર્ગ સલામતી અંગેનું માર્ગદર્શન આપવામાં આવ્યું હતું. તેમજ કાર્યક્રમ પૂર્ણ થયા બાદ રેલીનું પ્રસ્થાન કરવામાં આવ્યું હતું. જેમાં અધિકારીઓ દ્વારા આ રેલીને લીલી ઝંડી આપી પ્રસ્થાન કરાવી હતી. જેમાં સ્કૂલના વિદ્યાર્થીઓ માર્ગ સલામતી સત્તાના બેનરો સાથે જોવા મળ્યા હતા. આ રેલી બોટાદ શહેરના એસપી કચેરીથી થઈ સરકારી હાઈસ્કૂલ સુધી પહોંચી હતી.