ભાવનગરથી સુરત-અમદાવાદ હવાઈ સેવા 16 એપ્રિલથી શરૂ, સાંસદ ભારતીબેનની રજૂઆતને સફળતા 

ભાવનગર થી સુરત અને અમદાવાદ વચ્ચે તા.૧૬ એપ્રિલ સોમવારથી સવારના સમયે હવાઈ સેવા શરુ થવા જઈ રહી છે.

નવી ઉડાન સેવાને આવકાર અને સાંસદ શ્રીમતિ ડો.ભારતીબેન શિયાળનો અભિવાદન સમારોહ માનનીય ગુજરાત પ્રદેશ ભાજપા અધ્યક્ષ શ્રી જીતુભાઈ વાઘાણી, કેન્દ્રીય મંત્રી મનસુખભાઈ માંડવીયા, કેબીનેટ મંત્રી સૌરભભાઈ પટેલ, રાજ્યક્ક્ષાના મંત્રી પરસોત્તમભાઈ સોલંકી, શ્રીમતી વિભાવરીબેન દવે, મેયર શ્રીમતિ નિમુબેન બાંભણીયાની વિશેષ ઉપસ્થિતિમા અને મંત્રી ભુપેન્દ્રસિંહજી ચુડાસમાની અધ્યક્ષતામાં 16 એપ્રિલે સવારે  ૮/૩૦ કલાકે ભાવનગર એરપોર્ટ ખાતે યોજાશે.

ભાવનગર થી સુરત અને અમદાવાદ વચ્ચે તા.૧૬ એપ્રિલ સોમવારથી સવારના સમયે હવાઈ સેવા શરુ થવા જઈ રહી છે. ભાવનગરના લોકપ્રિય સાંસદ શ્રીમતિ ડો.ભારતીબેન શિયાળે લોકસભામાં અને કેન્દ્રીય ઉડ્ડયન વિભાગ સમક્ષ ભાવનગરને સુરત અને
અમદાવાદ જેવા શહેરો સાથે વિમાની માર્ગે જોડવા રજૂઆત કરી હતી જેને સફળતા મળી છે.

એર ઓડીશા દ્વારા અમદાવાદ-ભાવનગર-સુરત-ભાવનગર-અમદાવાદ વિમાની સેવાનો 16 એપ્રિલ, 2018થી પ્રારંભ થઇ રહેલ હોય જેમાં પ્રથમ મુસાફરીમાં મંત્રી શ્રી ભુપેન્દ્રસિંહજી ચુડાસમા અને ગુજરાત પ્રદેશ ભાજપા અધ્યક્ષ શ્રી જીતુભાઈ વાઘાણી કરશે. આ ઉડાન સેવાને આવકારવાનો તેમજ લોકપ્રિય સાંસદશ્રીમતિ. ડો.ભારતીબેન શિયાળ નો અભિવાદન સમારોહ કાર્યક્રમ સૌરાષ્ટ્ર ચેમ્બર ઓફ કોમર્સ એન્ડ ઇન્ડસ્ટ્રી,શીપ રીસાયકલીંગ એસોસિએશન,ટ્રાવેલ એજન્ટ એસોસિએશન,ભાવનગર ડાયમંડ એસોસિએશન અને ભાવનગર બિલ્ડર્સ એસોસિએશન દ્વારા સોમવારે સવારે ૮/૩૦ કલાકે ભાવનગર એરપોર્ટ ખાતે યોજાશે.