મુખ્યમંત્રીએ અમદાવાદ મહાનગરપાલિકા વિસ્તારમાં વિવિધ કાર્યો માટે 702 કરોડ રૂપિયાની ફાળવણી કરી

મુખ્યમંત્રી વિજય રુપાણીએ અમદાવાદ મહાનગર પાલિકા વિસ્તારમાં વિવિધ કાર્યો માટે 702 કરોડ રૂપિયાની ફાળવણી કરી છે.  મુખ્યમંત્રી શહેરી વિકાસ યોજના અન્વયે ફાળવવામાં આવેલી આ રકમમાંથી અમદાવાદમાં રોડ રિ-સરફેસિંગ, માઇક્રો સરફેસિંગ, સ્ટ્રોમ વોટર  ડ્રેનેજ, અને સ્યુએજ ટ્રીટમેન્ટ પ્લાન્ટના કામો માટે ૩પ૪.૮૦ કરોડ રૂપિયા ફાળવવામાં આવ્યા છે. તો બિલ્ડીંગ, શાળા, બોર્ડ ઓફિસ અને  મલ્ટીલેવલ પાર્કિગ જેવા સામાજિક આંતર માળખાકીય વિકાસના ૬ કામો માટે ૮પ કરોડ રૂપિયાની ફાળવણી કરવામાં આવી છે. અમદાવાદ મહાનગરપાલિકા વિસ્તારમાં ર રેલ્વે ઓવરબ્રીજ અને ૧ રેલ્વે અન્ડરબ્રીજના કામો માટે ૮ કરોડ રૂપિયાની રકમ મંજૂર કરવામાં આવી છે. આમ બહુવિધ વિકાસ કામો માટે રૂપિયા ૭૦ર કરોડની રકમની ફાળવણીને કારણે અમદાવાદ મહાનગરના વિકાસ કામોમાં વધુ ગતિ આવશે.