મુખ્યમંત્રી ભૂપેન્દ્ર પટેલ રાજકોટ જિલ્લામાં સૌરાષ્ટ્ર અવતરણ ઇરીગેશન યોજનાનું કરશે ખાતમુહૂર્ત

23 ગામોની 45 હજારથી વધુ જનસંખ્યાને પીવાનું પાણીની જયારે 5,676 એકર વિસ્તારને સિંચાઈની સુવિધા મળશે.

મુખ્યમંત્રી ભૂપેન્દ્ર પટેલ આજે રાજકોટ જિલ્લાના વિંછીયા ખાતેથી સૌરાષ્ટ્ર અવતરણ ઇરીગેશન યોજનાના લિંક-4ના રૂપિયા 181 કરોડના કામોનું ખાતમુહૂર્ત કરશે. આ યોજના અન્વયે 4 લિંક પાઇપલાઇન મારફતે સૌરાષ્ટ્રના 115 જળાશયોમાં નર્મદા જળના સંગ્રહનું આયોજન છે.

લિંક-4 દ્વારા પાછલા 4 વર્ષમાં રાજકોટ જિલ્લાના જસદણ, વિંછીયા, ગોંડલ અને કોટડા સાંગાણી એમ 4 તાલુકાના 37 ગામોના 155 ચેકડેમ, 14 તળાવ અને 7 જળાશયમાં પાણીનો જથ્થો ફાળવવામાં આવેલો છે. જેના પરિણામે સૌરાષ્ટ્ર વિસ્તારના 11 જિલ્લાઓમાં સાડા 6 લાખ એકર વિસ્તારમાં સિંચાઈની સુવિધામાં સુધારો થયો છે. આજે અંદાજે 73 કિલોમીટર લંબાઇના પાઇપલાઇન નેટવર્કથી 12 તળાવને જોડવામાં આવશે. એટલું જ નહિ, 23 જેટલા ગામોની 45 હજારથી વધુ જનસંખ્યાને પીવાનું પાણી અને 5,676 એકર વિસ્તારને સિંચાઈનું પાણી આ યોજના સંપન્ન થવાથી મળશે.

આ સાથે મુખ્યમંત્રી આજે નવનિર્મિત આઈ.ટી.આઈના નવા બસ મથકની વિકાસ ભેટ પણ આપશે. આ પ્રસંગે મંત્રી કુવરજી બાવળીયા, બલવંતસિંહ રાજપૂત, ભાનુ બાબરીયા તથા રાજ્યમંત્રીઓ ઉપસ્થિત રહેશે.