રાજકોટ SOGને મોટી સફળતા, ગેરકાયદે હથિયાર બનાવતી ટોળકીનો પર્દાફાશ
Live TV
-
13-08-2018 | 6:55 pm
Share Now
પોલીસે કારખાનેદાર હિરેન સરધારા સહિત ૪ આરોપીની અટકાયત કરી હથિયારો કોને આપતા હતા તે અંગે પૂછપરછ શરૂ કરી છે
રાજકોટ શહેર પોલીસ દ્વારા દેશી બનાવટના હથિયાર બનાવતી ફેકટરી ઝડપી પાડવામાં આવી છે. શહેરના ગોંડલ રોડ પર આવેલ કૃષ્ણનગર વિસ્તારમાં આવેલ શક્તિ ઈન્ડસ્ટ્રીઝમાં ગેરકાયદેસર હથિયાર બનાવવામાં આવતા હોવાની બાતમી મળતા SOG પોલીસે શક્તિ ઈન્ડસ્ટ્રીઝમાં દરોડો પાડ્યો હતો. દરમિયાન પોલીસને પ્રથમ 6 દેશી બનાવટના હથિયાર મળી આવ્યા હતા અને બાદમાં પોલીસે 4 કારખાનેદારની ધરપકડ કરી 17 જેટલા દેશી બનાવટના તમંચા તેમજ હથિયાર બનાવવાના ઓજારો સહિત કુલ 98 હજારનો મુદ્દામાલ કબજે કરી વધુ તપાસ હાથ ધરી છે.
