સમગ્ર દેશમાં આજે જન્માષ્ટમીની ધામધુમ પૂર્વક ઉજવણી

નંદ ઘેર આનંદ ભયો જય કનૈયા લાલકીનો જય ઘોષ સાથે જન્માષ્ટમીની ઉજવણી

સમગ્ર દેશમાં આજે જન્માષ્ટમીની ઉજવણી થઈ રહી છે અને નંદ ઘેર આનંદ ભયો જય કનૈયા લાલકીનો જય ઘોષ થઈ રહ્યો છે. માહોલ કૃષ્ણમય થઈ ગયો છે ત્યારે ભગવાના જન્મના વધામણાં કરવા રાજ્યના વિવિધ મંદિરોમાં પણ તડામાર તૈયારીઓ કરવામાં આવી છે. દ્વારકામાં ભગવાન દ્વારકાધિશના જગત મંદિરમાં ભવ્ય તૈયારીઓ કરવામાં આવી છે. મંદિરને રંગ-બેરંગી રોશનીથી શણગારવામાં આવ્યું છે. તો ડાકોરમાં પણ રણછોડરાય મંદિરમાં ભગવાનના જન્મ દિવસનો અનેરો ઉત્સાહ જોવા મળી રહ્યો છે.મોટી સંખ્યામાં ભક્તો ભગવાનના દર્શન કરી ધન્યતા અનુભવિ રહ્યા છે. શામળાજીમાં પણ શામળિયા શેઠને નવા વાઘા પહેરાવી શણગારવામાં આવ્યા છે. રાજ્યના ખૂણે ખૂણેથી વૈષ્ણવો ભગવાનના દર્શન માટે ઉમટી રહ્યા છે.