સૂર્ય નમસ્કાર સ્પર્ધાના અંતિમ તબક્કાની સ્પર્ધા આવતીકાલે યોજાશે

ગુજરાત રાજ્ય યોગ બોર્ડ અને રાજ્ય સરકારના સંયુક્ત ઉપક્રમે રાજ્યભરમાં સૌપ્રથમ વાર યોજાયેલ સૂર્ય નમસ્કાર સ્પર્ધાના અંતિમ તબક્કાની સ્પર્ધા આવતીકાલે યોજાશે. મોઢેરાના સૂર્ય મંદિર ખાતે યોજાનારા રાજ્યકક્ષાના આ સમારોહમાં મુખ્યમંત્રી ભૂપેન્દ્ર પટેલ અને રમતગમત મંત્રી હર્ષ સંઘવી સહિત મહાનુભાવો ઉપસ્થિત રહેશે. 

ઉપરાંત, રાજ્યમાં ૧૯૦ જેટલા સ્થળોએ કાર્યક્રમોનું આયોજન કરવામાં આવશે. ઉલ્લેખનીય છે કે, છ ડિસેમ્બરથી 31મી ડિસેમ્બર સુધી રાજ્યભરમાં યોજાયેલી સૂર્ય નમસ્કાર મહાઅભિયાન સ્પર્ધાના વિજેતાઓને આવતીકાલે ૨ કરોડથી વધુ રકમના ઇનામો અપાશે. રાજ્ય કક્ષાએ વિજેતા થનાર પ્રથમ વિજેતા થનાર ભાઇ અને બહેનને અઢી લાખ રૂપિયા, દ્વિતીય વિજેતાને ૧ લાખ ૭૫ હજાર અને તૃતિય વિજેતા થનારને ૧ લાખ રૂપિયાના રોકડ પુરસ્કાર અપાશે. ઉપરાંત તમામ ભાગ લેનારને ડીજીટલ સર્ટીફીકેટ આપવામાં આવશે.