11મીએ મોદી વાઈબ્રન્ટ ગુજરાત રિજનલ સમિટનું ઉદઘાટન કરશે

પ્રધાનમંત્રી  નરેન્દ્ર મોદી 11 થી 15 જાન્યુઆરી દરમિયાન રાજકોટમાં 'વાઇબ્રન્ટ ગુજરાત રિજનલ કોન્ફરન્સ' અંતર્ગત આયોજિત ભવ્ય પ્રદર્શનનું ઉદ્ઘાટન કરશે. 26 હજાર ચોરસ મીટરમાં ફેલાયેલા આ વિશાળ પ્રદર્શનમાં એન્જિનિયરિંગ, સંરક્ષણ અને એગ્રો-ફૂડ જેવા વિવિધ ક્ષેત્રોના 400 થી વધુ પ્રદર્શકો ભાગ લેશે. ત્યારે આ વાઇબ્રન્ટ સમિટને લઇ તડામાર તૈયારીઓ કરવામાં આવી રહી છે.

રાજકોટ મોરબી હાઇવે પર આવેલ મારવાડી યુનિવર્સીટી ખાતે 55 એકર જેટલી વિશાળ જગ્યામાં 6 એક્ઝિબિશન ડોમ અને 1 મુખ્ય ઇનોગ્રલ હોલ તૈયાર કરવામાં આવ્યો છે કે જ્યાંથી પ્રધાનમંત્રી સૌરાષ્ટ્ર કચ્છ રિજનલ વાઇબ્રન્ટ સમિટને ખુલ્લો મૂકી ઉદ્યોગકારોને સંબોધન કરશે. આ સમિટમાં 350 જેટલા વિદેશી ડેલિગેટ સહિત કુલ 5000થી વધુ ઉદ્યોગકારો ભાગ લેવાના છે.

આ કાર્યક્રમમાં 16 દેશોના 110 આંતરરાષ્ટ્રીય ખરીદદારો ઉપસ્થિત રહેશે,,, જે સૌરાષ્ટ્ર અને કચ્છના લઘુ ઉદ્યોગોને વૈશ્વિક મંચ પૂરો પાડી,, આ પ્રદેશની નિકાસ ક્ષમતાને નવી ઊંચાઈએ લઈ જશે...