રાજકોટ એઈમ્સ હોસ્પિટલના પરિસરમાં વ્યસન મુક્તિ ક્લિનિકનો આજે કરવામાં આવ્યો પ્રારંભ

રાજકોટ ખાતે એઈમ્સ હોસ્પિટલના પરિસરમાં વ્યસન મુક્તિ ક્લિનિકનો આજે પ્રારંભ કરવામાં આવ્યો છે. સૌરાષ્ટ્રમાં પાન માવાનું વ્યસન રાખતા લોકોની સંખ્યા બહોળી હોવાથી તેમની કુટેવ છોડાવવા માટે આ વ્યસન મુક્તિ ક્લિનિક વિશેષ ઝુંબેશ ચલાવશે.

વિશ્વ તમાકુ નિષેધ દિવસ પ્રસંગે વ્યસન મુક્તિ ક્લિનિક આજે રાજકોટ એઈમ્સના એક્ઝિક્યુટિવ  ડિરેક્ટર, ડૉ. સી.ડી.એસ. કટોચ દ્વારા ખુલ્લુ મૂકવામાં આવ્યું હતું. તેમણે આ પ્રસંગે જણાવ્યુ હતું કે આ કિલનિકમાં નિષ્ણાત મનોચિકિત્સક તેમજ વ્યસન ચિકિત્સકો દ્વારા કાઉન્સેલિંગ પૂરું પાડવામાં આવશે. વ્યસન મુક્તિ ક્લિનિકનું સંચાલન ડૉ. ગાયત્રી ભાટિયાને સોંપવામાં આવ્યું છે. એઈમ્સ ખાતે ઓ.પી.ડી. વિભાગ અને ઈ- મેડીસિનની સેવા શરૂ થઈ ચૂકી છે