વ્યારાની જનરલ હોસ્પિટલમાં ટીબી નિદાનની સુવિધા શરૂ કરવામાં આવી

તાપી જિલ્લામાં ટીબીનું નિદાન સમયસર થઇ શકે તે માટે વ્યારા ખાતે આવેલી જનરલ હોસ્પિટલમાં ડિજીટલ એક્ષ-રે મશીન અને સી.આર.સીસ્ટમની સુવિધા શરૂ કરવામાં આવી છે, જેનું ઉદ્દઘાટન મુખ્ય જિલ્લા આરોગ્ય અધિકારી ડૉ. હર્ષદ પટેલ તથા ઇનચાર્જ જિલ્લા ક્ષય અધિકારી ડૉ. અભિષેક ચૌધરીના હસ્તે કરવામાં આવ્યું હતું. 

આ સુવિધા ઉપલબ્ધ થતા ટીબીના શંકાસ્પદ દર્દીઓનું નિદાન ઝડપી અને સમયસર કરી શકાશે. ડિજીટલ એક્ષ-રેની સુવિધા દર્દીઓ માટે વિના મૂલ્યે કરવામાં આવશે. મુખ્ય જિલ્લા આરોગ્ય અધિકારી ડૉ. હર્ષદ પટેલ જણાવ્યું હતું કે, જિલ્લામાં આ સુવિધાનો લાભ વધુમાં વધુ લોકો લઇ શકે અને ટીબીનું નિદાન ઝડપથી થાય તેવું સધન આયોજન કરવા જણાવ્યું હતું.