અફઘાનિસ્તાનના નુરિસ્તાનમાં ભૂસ્ખલનથી તબાહી સર્જાઈ, 25 લોકોના મોત

અફઘાનિસ્તાનના પૂર્વ પ્રાંત નુરિસ્તાનમાં ગઈકાલે હિમપ્રપાતને કારણે ભારે તબાહી સર્જાઈ હતી. ઓછામાં ઓછા 25 લોકોએ જીવ ગુમાવ્યા અને આઠ અન્ય ઘાયલ થયા. નુરિસ્તાનમાં ટાતિન ખીણના નાકેરે ગામમાં રાતોરાત હિમપ્રપાતથી ઘરો બરફ અને કાટમાળના થર નીચે દટાઈ ગયા.

માહિતી અને સંસ્કૃતિના પ્રાંતીય વડા જમીઉલ્લાહ હાશિમીએ જણાવ્યું હતું કે હજુ પણ બરફ પડી રહ્યો છે. રાહત અને બચાવ કામગીરી ચાલી રહી છે. મૃત્યુઆંક વધી શકે છે. લગભગ 20 મકાનો જમીનદોસ્ત થઈ ગયા છે. ગામમાં વ્યાપક વિનાશ સર્જાયો છે. અનેક પરિવારો વિસ્થાપિત થયા છે. હાલમાં હવામાન પ્રતિકૂળ છે. તેથી હેલિકોપ્ટર નુરિસ્તાનમાં ઉતરી શકે નહીં. અવરોધિત રસ્તાઓએ બચાવ કામગીરી વધુ જટિલ બનાવી છે. નોંધનીય છે કે પાકિસ્તાનની સરહદ પર આવેલા નુરિસ્તાન પ્રાંતનો આ એક કઠોર પર્વતીય વિસ્તાર છે. તે કુદરતી આફતો માટે સંવેદનશીલ છે.

છ મકાનોના કાટમાળ નીચે હજુ પણ 25થી 30 મૃતદેહો દટાયેલા છે. પંજશીરના સુરક્ષા કમાન્ડના પ્રવક્તાએ જણાવ્યું હતું કે આ પ્રાંતમાં હિમસ્ખલનને કારણે બે ખાણિયાઓના મોત થયા છે અને અન્ય એક વ્યક્તિ ઘાયલ થયો છે.