અમેરિકાએ તેના ગુમ થયેલા પાઇલટને ઈરાનથી સુરક્ષિત રીતે બહાર કાઢ્યો, ટ્રમ્પે કહ્યું, "અમે તેને શોધી કાઢ્યો."

પશ્ચિમ એશિયામાં લશ્કરી સંઘર્ષ વચ્ચે, અમેરિકાએ એક જટિલ બચાવ કામગીરી હાથ ધરીને ઈરાની ભૂમિ પરથી અમેરિકન એફ-15ઈ જેટના ગુમ થયેલા પાઇલટને સુરક્ષિત રીતે બચાવી લીધો છે. અમેરિકી પ્રમુખ ડોનાલ્ડ ટ્રમ્પે આ વાતની પુષ્ટિ કરી છે અને તેને અમેરિકન ઇતિહાસનું સૌથી હિંમતવાન બચાવ કાર્ય ગણાવ્યું છે.

અમેરિકન એફ-15 ઇગલ જેટના ગુમ થયેલા પાઇલટને સુરક્ષિત રીતે બચાવી લેવામાં આવ્યો છે. રાષ્ટ્રપતિ ટ્રમ્પે ટ્રુથ સોશિયલ પર લખ્યું છે, "અમેં તેને સુરક્ષિત રીતે બચાવી લીધો છે ! છેલ્લા કેટલાક કલાકોમાં, અમેરિકી સૈન્યએ ઇતિહાસના સૌથી હિંમતવાન બચાવ કાર્યમાંનું એક સફળતાપૂર્વક અમલમાં મૂક્યું છે. અમારા અદ્ભુત ક્રૂ સભ્ય અધિકારી જે એક સન્માનિત કર્નલ છે, હવે સંપૂર્ણપણે સુરક્ષિત છે." ટ્રમ્પે લખ્યું છે કે, અમેરિકી સૈન્યએ તેને બચાવવા માટે વિશ્વના સૌથી શક્તિશાળી શસ્ત્રોથી સજ્જ ડઝનેક વિમાનો મોકલ્યા છે. અધિકારી ઘાયલ છે, પરંતુ સંપૂર્ણપણે સ્વસ્થ થઈ જશે. આ સાબિત કરે છે કે, અમે ઈરાની આકાશ પર સંપૂર્ણ હવાઈ શ્રેષ્ઠતા અને પ્રભુત્વ પ્રાપ્ત કર્યું છે."

નોંધનીય છે કે, શુક્રવારે દક્ષિણ ઈરાનમાં યુએસ એરફોર્સનું એફ-15 ઇગલ જેટ ક્રેશ થયું હતું, જેમાં બે ક્રૂ સભ્યો - એક પાઇલટ અને એક શસ્ત્ર પ્રણાલી અધિકારી હતા. બંને સમયસર બહાર નીકળી ગયા અને એકબીજા સાથે સંપર્ક જાળવી રાખ્યો. પાઇલટને કલાકોમાં બચાવી લેવામાં આવ્યો હતો, પરંતુ બીજા ક્રૂ સભ્યને શોધવાનું પડકારજનક સાબિત થયું હતું. જો કે, અમેરિકાએ આ જટિલ કામગીરી પૂર્ણ કરી.