જર્મનીના હેમ્બર્ગ એરપોર્ટ પર હથિયારધારી વ્યક્તિએ કર્યો ગોળીબાર

જર્મનીના હેમ્બર્ગ એરપોર્ટ પર હથિયારધારી વ્યક્તિએ કર્યો ગોળીબાર

જર્મનીના હેમ્બર્ગ એરપોર્ટ પર ફાયરિંગની એક ઘટના સામે આવી છે. ન્યૂઝ એજન્સી રોયટર્સ પ્રમાણે એક હથિયારધારી વ્યક્તિ હેમ્બર્ગ એરપોર્ટમાં ઘૂસ્યો હતો. આ દરમિયાન તેણે હવામાં બે વખત ફાયરિંગ કર્યું હતું.  ન્યૂઝ એજન્સી રોયટર્સે પોલીસ પ્રવક્તાને ટાંકીને જણાવ્યું હતું કે શનિવાર સાંજે એક હથિયારધારી વ્યક્તિ હેમ્બર્ગ એરપોર્ટમાં ઘૂસ્યો હતો. પોલીસે જણાવ્યું કે આ ફાયરિંગમાં કોઈને ઈજા થઈ નથી. પોલીસના જણાવ્યા અનુસાર આ ઘટના બાદ એરપોર્ટ પરની હવાઈ સેવા બંધ કરી દેવામાં આવી છે. ફ્લાઈટ્સની લેન્ડિંગ અને ટેકઓફ સેવાઓ હાલમાં બંધ છે. પોલીસના જણાવ્યા અનુસાર આ ઘટના રાત્રે 8 વાગ્યાની આસપાસ બની હતી.